نشر الإعلامى شريف مدكور بث مباشر من صفحته بعد ان شاهد حلقة الاعلامى عمرو أديب الذى عرض فيها الأجانب الذين تم القبض عليهم وكانوا يسعون لتخريب مصر .قال شريف مدكور " كنت أشاهده الناس اللى عرضهم الأستاذ عمرو أديب المصور الهولندى والشاب الفلسطينى والشابين الأردنيين والإثنين الاتراك وحاجة تقرف كده ، تحية للمخابرات المصرية مش قادر استوعب ان فيه بعض الناس مش حاسة ان فيه مؤامرة ".وأضاف شريف مدكور: "عامل الفيديو ده مخصوص للشاب الفلسطيني اللى عرض كلامه الأستاذ عمرو ، انت مالك ومال مصر ورئيس مصر وميدان التحرير ، مش عايز حد يزعل منى تحية طبعا للشعب الفلسطينى الصامد ، لكن إنت فى إيه ولا فى ايه، انت فى بلد تم احتلالها من عشرات السنين وعندكوا مشكلة رهيبة وعندما تغلق البوابات بين مصر وغزة بتقولوا إزاى مصر بتقفل البوابات ، انتوا جايين بتحاربونا ".وتابع شريف مدكور "انتوا تم تقسيمكم إلى 12 فصيل الأفضل تتجمعوا وتحاربوا اسرائيل اللى خدت أرضكم وحاجتكم ".واستطرد شريف مدكور "أما الشابين الأردنيين انت مالك بمصر انت تروح تتكلم هناك وتعمل مظاهرات فى بلدكم ، انا شايف إن أقل حاجة لهؤلاء الشباب أن يتم إعدامهم ".