نشرت الفنانة علا رشدي، صورة لإطلالتها الجديدة عبر حسابها الشخصي بموقع التواصل الاجتماعي لتبادل الصور والفيديوهات الشهير "إنستجرام".   وظهرت "رشدي" في الصورة وهي تردي فستان، لونه أصفر قصير، وبه مجموعه من الألوان من أسفل، وترتدي نظارة شمس، اما بالنسبة للميك اب فكان مناسب مع بشرتها، ويظهر ملامح وجهها الجميلة، وظهرت حافية، وارتدت ايضاً حلق طويل، وإسورة صغيرة بيديها اليسرى.   وشكرت "رشدي" Akela، لانها من قامت بتصميم هذا الفستان لها ، وكتبت على هذه الصورة "الفستان ده قريب جداً من قلبي عشان هو مستوحي من رسمة ابني رسمها بالوان المختلفة دوزي حبيبي".   ونالت الصورة استحسان عدد كبير من جمهورها ومنهم من قال: "جميل الفستان عليكي اوي"، وقال آخر: "ماشاء الله حلو جدا والفستان شيك اوي"، وعلق معجب آخر: "انتي عسل كده ازاي".   الجدير بالذكر، أن علا شاركت هي وزوجها في فاعليات الدورة الثالثة من مهرجان الجونة السينمائي، التي انطلقت يوم الخميس 19 سبتمبر، واختتمت أمس الجمعة 27 سبتمبر، وخطفا الأنظار إليهما برومانسيتهما على السجادة الحمراء.   علا رشدي تتحدث أربع لغات   في وقت سابق قالت علا، في لقاء خاص بها على قناة Cbc، انها تتحدث 4 لغات، وهم إيطالي و إنجليزي و أسباني و فرنساوي وعربي.   حماس لقصة حب   قالت رشدي في برنامج عيش صباحك على نجوم إف إم "المخرج عثمان ابو لبن صديقي وهو كلمني وكان متحمس اوي واقنعني وقالي  انا مش عايز كومديان دي اول حاجة قالى عليها انا عايز حد مه خفيف بس بيعرف يمثل وبيعرف يمثل دور حقيقي وفي بقى حتت حقيقية وحتت بتعيط وحتت بتاع بس دمه خفيف فأنا عايزك انتي عشان مش عايز حد كوميدي ميقدرش يديني ده وكنت عارفة مين الكابل بتاعي في الفيلم وأنا مش ماسكة نفسي عن الكوميديا بس عايزة أجرب حاجة تانيه غير الكوميديا وأرجع تاني كده ليها وأحس اني براحتي " .   عاوزة هدنا   رغم ان علا ممثلة، إلا انها خاضت تجربة الغناء ونجحت فيها، قامت في يوم عيد الأم بطرح أغنية لها تتحدث فيها عن معانات الأم مع زوجها وأولادها، وسخرت كلمات الأغنية من فكرة الاحتفال بيوم عيد الأم في السنة وباقي الأيام تكون في معاناه، وظهر في هذا الكليب زوجها وأولادها الاثنين .   وتقول كلمات الأغنية   "ليه؟ ليه؟ ليه؟ ..ليه كده ليه؟..هو في ايه؟..افتكاسة مين؟..عيد الام دية؟..حبه نصابين ..بيضحكوا علينا بهدية..مانا في البيت مرمية..والبهدلة هي هي..غرقانة قي اللي علياااااا...بالاسم ليا جوز..حبني انا وحبيته..عاملني مرمطون..شايلاله عياله وبيته..كل اللي عندي اديته..شغل وكارير راميته..ربيلي الواد ربيته..وفي عيد الام انا عايزة هدناااااا..مسمعش يا ماما..روحو يالا لبابا..طلعان عين ماما ..عايزة هدناااااااا..قطمتوا وسطي..نسيتوني اسمي..بوظتولي جسمي..عايزة هدناااااا..مصحاش من بدري   لا اطبخ ولا اغدي..ولا تمرين اودي..ادوني هدنااااااا.. زن وكفاني..والضغط وجالي..عايزين ايه  تاني؟..كل سنة وانتي ..طيبة يا مامتي..يا ست الحبايب..اومال بقيت السنة انتو فين؟..تعبي وارهاقي..وعيال بتكاكي..واسلوب مش راقي..لييييييه!..يوم واحد شكر وبوس..ورد وخاتم وغويشة..وبقيت السنة طظ..العن ابو ام العيشة..جوزب ضارب تطنيشة..خلع وسد الفيشة..عالقهوت بيشرب شيشة..وفي عيد الام بقولكوا..شكرااااااا..ممكن لو سمحتوا..اي حاجة انتوا عايزنها روحوا لابوكو..اه   يطبخخلكوا ويأكلكو..يفلي ويشطفكو..فا..ليكو اب تجننوه..هايزهق منكوا ومن زنكوا يطلع عين ابوه..عيد الام يعني ماما هي ست الكل..يعني تسيبوا ماما في حالها تقضي يوم فل..يوم لوحدي كده وانا..اه..من غير عيال ولا عكننا..ماما بتحبكوا اوي وبتموت فيكو..بس اوقات كتيرة اوي ماما بتشتم فيكو..فأنا..سامحوني وتنسوني..فككو مني لو بتحبوني..نفسي في يوم احس فيه بقيمتي..انا خارجه اسهر برا انا وانتيمتي..فين الاب؟..ياجدعاااان..فين؟..يا رب..فين الاب؟..ياجدعاان..فين؟..يا رب " .