قام المطرب الشعبى حمو بيكا، بالإعتذار إلى نقيب المهن الموسيقية الفنان هاني شاكر، وذلك بعد تقديم هاني شاكر بلاغًا ضده يتهمه فيه بالسب والقذف.ونشر حمو بيكا مقطع فيديو عبر صفحته الشخصية على "فيسبوك".قال حمو بيكا فى الفيديو: "أنا بعتذر يا أستاذ هانى شاكر أنت أمير الغناء العربي، وأنا مكنش قصدى إنى أزعلك، كان كل هدفى إنى أكل عيش، أنا معايا 20 فردا بياكلوا عيش، ناس فاتحة بيوت وبتصرف على عائلاتها، أنا اللى خلانى اضايقت وأنزل الفيديو أنى لفيت 8 ساعات، وشغلى كله كان واقف، وأنا إللى كنت عايز أعمله أنى امشى قانونى واعمل تصريح وانزل اشتغل ومكنش قصدى أنى أزعلك".وتابع: "أنا بحبك وإحنا عيالك يا أستاذ هانى، أنا كان كل هدفى إنى صوتى يوصلك، وقدام الناس كلها بقولك أنا آسف ليك، ولو عايزنى أجيلك أو اطلع على الهواء اتأسفلك هطلع، أنا بقالى 6 أشهر واقف عن العمل، والناس اللى معايا مقدرش امشيهم، إحنا نروح فين دى بلدنا وإحنا اخترنا فن الناس بتحبه وبتفرح بيه عمرنا ماضايقنا حد، وقدمنا محتوى تانى وبقينا ناخد بالنا من الكلام، وبقيت بنقى الكلام الصح".وأضاف: "فى شباب نفسها تتجوز وتكون نفسها، كان يهمنا إننا نشتغل بالحلال، وأنا تعبت وكافحت، ابويا ربانى وطلعنى إنى مقولش لحد عايز حاجه، وبنيت المكان اللى بقيت فيه بعد سنين كتيرة، كان حلمى إنى أعمل حاجة والحمد لله حققت نسبة نجاح كبيرة، وبقى ليا أطفال وشباب وبنات كتيرة بتحبني".أزمة حمو بيكا مع نقابة الموسيقيين أثار حمو بيكا جدلا كبيرا خلال الأيام الماضية،وذلك بعد أن اقتحم نقابة المهن الموسيقية، وصور من داخلها مقطع فيديو، ظهر فى الفيديو وهو غاضبًا من موظفي النقابة، بعدما رفضوا اعطاءه تصريحا للغناء، وهدد باقتحام النقابة مع مجموعة كبيرة من محبيه، وقام بالخطأ فى حق الفنان هانى شاكر، وعبر نشطاء مواقع التواصل الاجتماعي عن غضبهم الشديد من أفعاله، ووصف البعض ما فعله بالبلطجة.وفى سياق آخر، قام المستشار ياسر قنطوش بتقديم بلاغا رسميا ضد المدعو محمد محمود مصطفي محمد سيد احمد وشهرته "حمو بيكا " إلى رئيس نيابة الدخيلة حمل البلاغ رقم ١٣٣٥٠ لسنة ٢٠١٩، وذلك بصفته وكيلًا عن الفنان هاني شاكر، وذلك بسبب الفيديو المسئ الذى قام بنشره من خلال صفحته الشخصية على مواقع "فيسبوك".