سرد أحمد سمير، المصاب في الحادث المعروف بـ"تذكرة قطار الإسكندرية"، تفاصيل الواقعة بالكامل منذ نشوب الخلاف مع كمسري القطار على ثمن التذكرة ".وقال "سمير"، خلال مداخلة تليفونية مع الإعلامي شريف عامر، ببرنامج "يحدث في مصر"، المذاع على فضائية "إم بي سي مصر" مساء اليوم الأربعاء: " اضطرينا لركوب قطار vip بسبب ظروف الطقس السيئة، كنا لسه راكبين القطر وكان معانا 35 جنيها، ونزلت جيبت كوباية شاي بـ3 جنيه شربتها أنا ومحمد وفضل معانا 32 جنيها".وأضاف "سمير": "جه رئيس القطر قال هاتوا التذاكر وفي غرامة، وطيت صوتي وبتكلم مع الكمسري بستسمحه إن مش معانا فلوس، لأننا كنا رايحين في مصلحة شغل وما بيعناش بجنيه واحد حتى، ومش معانا غير 30 جنيها، قال: طب هاتوا البطاقات، محمد قاله عايز تاخد مننا البطاقات ليه إحنا مش وش بهدلة إنت عايز تحبسنا، اعتبرنا زي إخواتك، قاله: أنا إخواتي مش بيركبوا القطر، قاله طب نزلنا بنها، قاله مش بيقف غير في القاهرة".وتابع: "رئيس القطار انفعل علينا بشدة، الرجل كان صوته بيكهربلي وداني من الزعيق، وكنت محروجا من الكلام إللي بيقوله قدام الناس، وقالنا انزلوا من القطر بوشكم، وفتح لنا الباب".