امتلئ عالم المشاهير بالعديد من الحكايات الخاصة بالنجوم الذين أصيبوا بمرض "البهاق"، ذلك المرض الذي تسبب لهم في الضغط النفسي والاكتئاب بسبب تغيير لون الجلد، وعدم تقبل الجمهور لهم، حتى أنه كاد أن ينهي مسيرة البعض منهم. رامي جمالوكان الأخير منهم الفنان" رامي جمال" الذي أعلن بالأمس إصابته بمرض البهاق، عقب ظهور بقع بيضاء اللواء بكامل جسده، الأمر الذي جعله يفكر في الاعتزال بسبب عدم قدرته على تحمل انتقادات الأخرين.وقال رامي على حسابه عبر موقع التواصل الأجتماعي"فيس بوك"، "الحمد لله الذي أحبني فابتلاني وقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".وأضاف: "رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقوللي هتتعامل إزاي وأنت فنان واللي يخاف يسلم عليا واللي يسألني هو ده معدي".وتابع: "أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني اعمله عشان الناس مش هتقبلك كدة، وفكرت في كلامهم بصراحة".واستكمل: "لقيت إن عندي حلين يا فعلا شكرا لحد كدة على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو".