أكد عبد الظاهر السقا نجم منتخب مصر السابق أن تعادل الفراعنة مع جزر القمر بدون أهداف تعد نتيجة سلبية للغاية .وقال السقا في تصريحات إعلامية الليلة "بحاول أعرف المشكلة فين جوة المنتخب، هل هي مشكلة جيل ولا مشكلة جماعية في الأداء ولا مفيش روح ولا المدرب؟".وأضاف "لاعبو المنتخب الحاليون معندهمش الصفة الأساسية وهي الروح، محسيتش إن في قائد جوة المنتخب، محسيتش إن اللعيبة اتجمعت مثلا امبارح بليل وقالت لازم نفرح الجمهور ونعوض اللي حصل في مباراة كينيا، في تفكك غير طبيعي موجود في المنتخب، هل ده بسبب كثرة اللاعبين المحترفين؟".واستكمل السقا " مش شايف أي جملة محفوظة للاعبين موجودة في الملعب، اللعيبة لازم تتقبل الهجوم والانتقاد من الجمهور ويفهموا انهم يستحقوا التقطيع من الجماهير".