نشرت الإعلاميةدعاء فاروقعبر صفحتها الرسمية على انستجرام فيديو خلال تكريمهامن إحدى الجمعيات المهتمة بالمرأة المعيلة ، نظرا لدورها في دعم المرأة إعلاميا.وفي تعبير لافت ، وصفت الإعلاميةدعاء فاروقشعورها خلال استقبال الجمهور لها بحفاوة على المسرح ، بأنه يشبه شعور الفنان محمد رمضان بين جمهوره . وقالت الإعلاميةدعاء فاروق : " أحلي تكريم هو اللي كان علي الارض مش علي المسرح كنت هعيط .. إحساس محمد رمضان والناس حواليه طلع حلو حلااااوة له حق يمشي في وسط الناس ومعاه حد يصور اللحظة دى لأنها بجد لحظة صادقة الناس دى مش عاوزة أي حاجة غير انها توصل لي حبها وانا الحقيقة اتأثرت جدا ".وتابعت : " لو انتو متخيلين ان ده شيء يسعد الناس انهم يشوفوا حد بيتفرجوا عليه في التلفزيون ويتصوروا معاه فتخيلوا بقي ان سعادتهم متجيش حاجة جنب سعادة الشخص ده ، وأنا مش بحب اسميها شهرة الكلمة دى بكرهها عمي أنا بسميها نعمة واصطفاء من ربنا سبحانه وتعالي اني اتحط في المكان ده وممكن اكون مستاهلش قوي كل ده".وأضافت : " يا رب دمها نعمة واحفظها من الزوال وشكرا لكل حد بيكرمني ويطلب مني أنه يتصور معايا ده كرم وشرف كبير جدا وسعادة لا توصف والله ".وتابعت : " ابقوا تعالوا علي طول بقي انا موجودة وبحب أتصور.. متفقتش مع حد يصور لي اللحظة دى انا لقيت نور الله صاحبتي بتصور اللحظة دى من غير ما اطلب منها هي مشكورة صورت الستات الحلوين دول وهم ملمومين حواليا وعايزين يتصوروا معايا".