نشرت الإعلامية أسما شريف منير ، عبر صفحتها الشخصية على مواقع التواصل الإجتماعى "فيسبوك" ، فيديو لسيدة تجرى عملية تجميل من أجل تغيير شكلها.وعلقت أسما شريف منير على الفيديو قائلًة: "انا عارفه انه مش سهل خالص إني أقول اوعي تغيري نفسك، الضغط الإعلامي بوّظنا كلنا وخلّي كله عايز يبقي حد تاني غير نفسه، بجد مقاييس الجمال بقيت مرعبة واحنا مسحولين، بس يا ريت ديمًا نفتكر نحب نفسنا زي ما احنا شويه". وتضمنت بعض التعليقات هجومًا علي أسما شريف منير، وجاء فيها:" مااانتى زمان كنتى بتعملى فيديوهات من غير ميكب ومش عامله شعرك وبتتكلمى وقمر ، دلوقتى باروكه ومكياج صارخ ولينسز واكسساوريز و و و.. فطبيعى يبقى بنات كتير عاوزة تقلدك مع أن الأول كانوا بيبقوا عاوزين يكونوا شبهك اكتر". وردت أسما شريف منير علي هذا التعليق قائلًة :" اقري كويس انا بقول بوظنا كلنا علي فكره انا جمعت نفسي، وبعدين مين قالك إني مرتاحه انا إنسانه علي فكره بيكون عندي قله ثقه في نفسي كتير".كما جاء تعليق آخر :" مش شايفة عمليات التجميل الي ماليه وشك، و جايه تقولي نحب نفسنا زي ماحنا ". لترد أسما شريف منير :" أنا معملتش و لا عمليه في وشي و لا جسمي، هو انت شوفت مناخيري؟" .وكانت الإعلامية أسما شريف منير، قد تعرضت للهجوم من قبل متابعيها على حسابها الشخصي على موقع انستجرام بسبب تصريحاتها المسيئة لفتاوى الشيخ الراحل محمد متولي الشعراوي.