قصيدة: جيت أكتب أشعاري في عيد الإمارات بقلم: جهير آل جرفين أبدا بذكر اللي خلقني ومجِّد اللي خلق خلقه وسبع السماوات سبحان من له كل مسلم يوحِّد سبحان معطينا جزيل العطيات الواحد اللي له نصلي ونسْجد نثني على الرحمن في كل الأوقات وصلاة ربي عدمالمزن ترْعد على النبي خاتم جميع الرسالات اليوم عيد وكل الأقطار تنشد تكتب شعر تهديه شعب الإمارات ما أكتب أشعاري لشخصٍ محدَّد حبي لهم جمعا ولا به مراوات أنا السعودي لكن الله يشهد إني أقدرهم خصوصا وبالذات شعبٍ عظيم وفي عيوني تفرَّد سبحان من سن المحبة فروقات مبروك يالقادة ومنهم محمد مبروك ياشعبٍ سكن في المدارات الله يجنبهم من اليوم الاسود والله يحميهم مصايب وغارات حنا شعب واحد وقلبٍ مُوَحَّد على كتاب الله ومنهج وعادات دستورنا واحد وحبٍ تجسَّد مابين شعب المملكة والإمارات وان جا معادينا جبانٍ ويحقد نقلب حياة المعتدي حزن وشتات هذي عوايدنا والايام تسْرد أمجادنا وافعالنا في الملمات ضربة ايدينا وسيفنا مايتردَّد إذا طغى الطاغي علينا بسيات واللي نوانا بشر وجانا يتوعَّد يبشر قريب يصير من بين الأموات