بعث الفنان سعد الصغير، رسالة إلى المنتج نصر محروس يعبر فيها عن حبه له، ويطالبه بعودة بهاء سلطان إلى الساحة الفنية من جديد، وذلك من خلال حسابه الشخصي على موقع الصور والفيديوهات "إنستجرام".نشر سعد الصغير مقطع فيديو جديد له، ظهر في الفيديو وهو برفقة فرقته الموسيقية. وقال سعد في الفيديو: "كل سنة وانتوا طيبين،وسنة سعيدة عليكم، وطبعا احنا بنشكر الإعلامية الجميلة إسعاد يونس على المبادرة الجميلة دي مع أستاذ نصر محروس، وبنقول لأستاذ نصر عشان خاطرنا رجعلنا بهاء سلطان تاني".وتابع سعد قائلاً :"وأنا إن حضرتك الطيابة كلها، وإن طبعًا ربنا كرمك وعملت بهاء، وأنا ابنك،وياريت ياريت ترجعلنا بهاء، وعشان عايز أقولك حاجة أنا كسعد الصغير المفروض بهاء لازم يكون في نقابة المهن الموسيقية واللي عايز يبقي مطرب شعبي يروح يمتنحه بهاء سلطان فقط لا غير، وده يا جماعة مش طبيعي ".وأضاف سعد الصغير: "واتصل بيه انت عشان هو قلبه طيب و بيتكسف"، واستكمل سعد الفيديو وهو يشدو مع فرقته بأغنية بهاء سلطان الشهيرة "يا ترى.وعلق سعد على الفيديو قائلا: "كل الدعم بوب حبيبي الصوت الجميل السهل الممتنع، بجد من الأصوات الي بحبها وفعلا صوت في مكان لوحده خالص ربنا معاك ونشوف بهاء سلطان ديما مكسر الدنيا".