أعرب المخرج الشاب عمرو سلامة، عن سعادته وفخره بفوز الفنان الأمريكي من أصول مصرية رامي يوسف، صباح اليوم، بجائزة الجولدن جولب لأفضل ممثل عن دوره في مسلسل "رامي".وكتب "سلامة" عبر حسابه الرسمي بموقع التواصل الاجتماعي فيسبوك: "رامي يوسف كسب واحدة من أهم الجوائز في العالم، أحسن ممثل من الجولدن جلوبز.رامي يوسف مصري من أب وأم مصريين ومسلم، عاش في أمريكا وبييجي مصر كثير وبيحبها وبيعتبر نفسه مصري أكثر من أمريكاني بكثير".وأضاف: "الأهم إنه كسب على مسلسل رامي، مسلسل أمريكي كوميدي عن أمريكي مصري مسلم وثلاث حلقات منه بيحصلوا في مصر، مسلسل رائع خسارة لأي حد لو ماشافوش.رامي طلع على المسرح وأول حاجة قالها أنه بشكر ربنا وقال بالعربي "الله أكبر" وشيء سيريالي طبعًا إن حد يطلع على مسرح في حدث زي ده ويقول الله اكبر اللي هي أكثر جملة بيخاف منها العالم الغربي لإن اللي بيتبعها دايما هو إن اللي قالها بيفجر نفسه، إنه يقول كده وهو بيضحك وخصوصا في وقت زي ده فديه حاجة مثيرة للاهتمام جدا".وتابع: "رامي طلع يستلم الجائزة مع موسيقى المسلسل وهي موسيقى برنامج الكاميرا في الملعب لهاني شنودة، شيء جميل ومبهج ونوستالچسك".واختتم: "أنا فخور جدا برامي كمصري، وكصديق، لإنه واحد من أجمل الناس اللي ممكن تعرفها في حياتك.وأعتقد أي مصري المفروض يكون فخور بيه".