كشف الإعلامي أحمد موسى عن حكم تاريخى أصدره المستشار الدكتور محمد عبد الوهاب خفاجى نائب رئيس مجلس الدولة، بقيام الرئيس المعزول محمد مرسي بتعديل المادة ٣١ أ من قانون الأسلحة والذخائر ليسمح لأعضاء الجماعة بسرقة الأسلحة واستخدامها.وقال الإعلامى: "موقع صدى البلد نشر معلومة لأول مرة تتقال محدش يعرفها جابها من الحكم القضائى عشان اقولكم ماذا فعلوا بينا الاخوان الخونة.. الجاسوس مرسى عمل تعديل فى القانون الفترة من ٢٠١١ حتى ٢٠١٢ عشان يعفى الاخوان القتلة الخونة اللى سرقوا الأسلحة من الداخلية  واستخدموها فى قتل المصريين". وأضاف موسى، خلال تقديمه برنامج «على مسئوليتي»، المذاع على قناة «صدى البلد»: "ورد بالصفحة الرابعة من هذا الحكم التاريخى - عرضه على الهواء - المفاجأة اللى محدش يعرفها أن محمد مرسى العياط أصدر القرار الجمهورى رقم ٩٠ لسنة ٢٠١٢ بتعديل المادة ٣١ ا من قانون الأسلحة والذخائر والحكم مهم قوى عشان تعرف الخونة والجواسيس علموا ايه فى البلد (يعفى من العقاب كل من يحوز بغير ترخيص أسلحة نارية او ذخائر ويعفى كذلك من العقوبات المترتبة على سرقة الأسلحة والذخائر)". وتابع أحمد موسى: "حضرتك متخيل أنها تحصل فى اى بلد، أو فى اى وطن.. مرسى عمل تعديل فى القانون عشان حماية المليشيا بتاعتهم.. عمل مادة فى القانون تفصيل للتنظيم الإرهابى، يعفى من العقوبة إللى اقتحموا السجون، وجاء الرئيس عبد الفتاح السيسى ورما الكلام دة مفيش دولة فيها إعفاء حد".