قدم الثنائي حسن شاكوش، وعمر كمال، اعتذار عن سرقة لحن  اغنية "حاجة مستخبية"، ودمجها بمزيكا المهرجانات الشعبية في "بنت الجيران"، والتي حققت نجاحًا ضخمًا الاونه الاخيرة.حيث نشر "كمال"، مقطع فيديو عبر صفحته الرسمية بموقع التواصل الاجتماعي "فيسبوك"، قائلًا: "إحنا عايزين نشكر الملحن الكبير مدين ونتأسف له لو هو زعلان مننا، بس هو مش زعلان مننا أنا ‏عارف، الفيديو ده رسالة اعتذار مني ومن أخويا حسن شاكوش لمدين، والأغنية عاملة 65 مليون بفضل ربنا، ثم الناس، ثم طبعا اللحن ‏بتاعك اللي هو لحن حاجة مستخبية"‏.وأضاف المطرب عمر كمال: "إحنا عملنا فكرة بنقلش أو بنهزر مع الناس حاجة خفيفة، الحمد لله ربنا كرمنا فيها ونجحت، وبعد كده كان لازم الحق يرجع ‏لأصحابه، اللحن ده يا جماعة لحن أغنية حاجة مستخبية لمدين ومحمد حماقي".‏‏فيما قال مطرب المهرجانات الشعبية حسن شاكوش، "أنا بقول لك يا مدين الأغنية نجحت بلحنك، وإحنا طبعا لازم نديك حقك ودي ‏أغنية حاجة مستخبية لأخونا وحبيبنا النجم محمد حماقي، والفترة الجاية إن شاء الله هنطور من المهرجان وهتشوفوا حاجات حلوة، وأنت ‏يا مدين اللي هتعمل لنا الحاجة دي وهناخد منك لحنها".‏