بمشاعر الفخر والاعتزاز، سطّر شعراء الإمارات ملحمة شعرية من 80 بيتاً شارك فيها 40 شاعراً وشاعرة، أشرفت عليها الشاعرة مريم النقبي، وأطلقتها عبر مواقع التواصل الاجتماعي، فجاءت مشاركات الشعراء وتفاعلهم الكبير مع هذا الحدث الوطني التاريخي الكبير، احتفاء بعودة أبطالنا إلى أرض الوطن: مرحبا والفخر يتغنّى بقصايدْ                    بالجنود اللي لنا درع وحزامْ سطّروا بأرض اليمن سبق وعوايدْ                وفي الشدايد دوم بالصف الأمامْ مريم النقبي توقف الدنيا لكم يا عيال زايدْ                  والزمن يضرب لعودتكم سلامْوالفخر من عزمكم يلبس قلايدْ                 والشموخ بصدركم أغلى وسامْ عتيق الكعبي الله هالله يا وسيعين البنايدْ                     يا حماة الدين واوطان الكرامْومالها الا عيال زايد في الشدايدْ                    سطّر التاريخ فخرا لن يُضامْذياب الغانم الحميدي الفخر والمجد طاول كل نايدْ                     والفعل مشهود ماهو بالكلامْهَدّ بو خالد رجع صايد وفايدْ                        دام بو خالد ودام العز دامْمحمد بن طناف الكعبي مرحبا في ذمّتي والشوق زايدْ                      مرحبا يا جنودنا عز ومقامْفي منار المجد خطيتوا الشهايدْ                     جند زايد لا يبور ولا يضامْحمدان السماحي جيشنا لي معتلي روس النوايدْ                   ضاربٍ اروع مثل يوم الزّحامْما يردّه دون درب العز كايدْ                فخرنا في الحرب ولّا في السلامْمحمد النقبي يوم ناداه المنادي كان رايدْ                      بالعزم لبّاه ويشدّ الحزامْ مخلص النيّة عليه الله شاهدْ              والعرب تشهد على فعله دوامْ صالح الشريف الجزايل صاغت بيوتٍ جدايدْ                  تفخر وتزخر وعزّ الدّار دامْبعودة جنود الوطن والمجد نايدْ                  البواسل لي لهم عزم ومرامْنايلة الأحبابي فرْحِنا يا دارنا فرحةْ مِعايِدْ                   البشاير شعْشِعَت والليل شامْيوم بشّرنا الخبر هلّت مدايدْ                من عيونٍ شاقها شوف الكرامْهنادي المنصوري بعد ما شبّوا على الأعدا الوقايدْ                     ونفذوا ما كلّفوا به بالتمامْللوطن عادوا بناموس وفوايدْ                دام عزّك يا وطن في كل عامْ جابر بن عشّان القحطاني مرحبا يا حيّْ من بالفخر عايدْ                    معتلين الرّاس ما فيها كلامْبالعُزوم تداركوْا درب الوكايدْ                    وأمِّنوا عالدار يوم احنا نيامْنوف آل مندوس مرحبا بصقور دولتنا ونزايدْ                    راخصين ارواحهم وقت الزّحامْذخر في الشدات او في ردع كايدْ                       حافظين العهد لشيوخٍ كرامْ أحمد الطوفان يا فخر الامّة على وقت الشدايدْ                         في المحن ربي خلقكم للأمامْواليمن بصقور زايد ردّ عايدْ                      في حضن الامّه بالأبطال الكرامْ ناصر بن يروان النيادي مرحبا بحزامنا ذخر وسنايدْ                  لي يكيدون العدى وقت الصدامْجيش بوخالد درعنا اليوم عايدْ                  بعد ما أسقوا ضِدّنا سمّ الزؤامْ ناعمة الكعبي مرحبا باللي بملفاهم نعايدْ                     الصقور اللي لنا درع وحسامْالشداد اللي اذا داسوا وقايدْ                     من تحتهم تنقلب برد وسلامْعبدالرزاق بن محمدي والخبَر طيّب مدام عيال زايدْ                         وافيين العهد... كفّوا بالتّمامْلجل حق الجار في وقت الشدايدْ                      وقّفوا للحق في وجه الخصامْ أسما الكعبي ( حسّ القصيد ) هذا جيش الحزم بالأمجاد عايدْ                     صافحت الأفراح راحات الغمامْبالفخر يستقبله شعبٍ وقايدْ                     للصقور المخلصين أعظم سلامْسعد عمر الخرجي يا الصقور المخلصين ولا نحايد                            يا حماة الدار تسهر ما تنامْ ما تهاب الموت تنطح كل كايدْ                       في شعاع الشمس ولّا في ظلامْسعيد بن غماض الراشدي كل جندي بالفخر والنصر عايدْ                         له رفعنا قبّعات الاحترامْ مثل زايد كلهم للنصر قايدْ                  مضرب الأمثال وأحفاد العظامْوفا القصيمي مرحباً مليون والترحيب وايدْ                       مرحباً مليار يا نسل الكرامْ مجدكم مكتوب ماهو بالقصايدْ                   صدر تاريخ الزمن أجمل وسامْ محمد سعيد المشيخي يا صقورٍ ما توانت للشدايدْ                    واثبتت باعزومها فعل وكلامْمرحبا يا جيش بالامجاد عايدْ                         البواسل حيّهم عدّ الغمامْ صوغة مرحبا باللي احْضروا معهم شهايدْ                     بالفخر والعزّ في ساحة خصامْ حيّهم ل أبطال من جندي وقايدْ                     مخلصين بفعل من قبل الكلامْ عائشة الحدادي مرحبا باللي لبسوا طيب القلايدْ                    حاميين الدار في شطّه وزحامْ اليمن سطّر فعلهم بالوكايدْ                       وتشهد ديارٍ لها عزّ ومقامْسالمين النقبي يا سلامي رح لهم عدّ المدايدْ                     من قصيدك وامدح صروحٍ شمامْمحزم لظهرك إذا حزّت كوايدْ                         في الوغى تخزي شراذيمٍ لئامْحمدة العوضي مرحبا برجالنا فخر وسنايدْ                        مرحبا والفخر قلّدهم وسامْ محتوين الفخر يوم الوضع كايدْ                           مرحبا مليار برجالٍ كرامْ فيصل النقبي مرحبا يا عزّنا جندي وقايدْ                       يالبواسل لي لهم قدر ومقامْرافعين الراية اصحاب الشدايدْ                   يا صقور الدار يا رمز السلامْبنت الشوامس نستحق انّا بشوفتهم نعايدْ                      مرحبا مليار بالجيش الهمامْيا وطن ردّد لهم احلى نشايدْ                   دار جيشه مثلكم لا ما يضامْالحصباه العلَم متوشّحنّه فذّ مايدْ                     بالدّريس أدرك منيفات المقامْوالأشاوس عزّهم بالحق شايدْ                       للوطن لبّوا استغاثة مُستضامْمطرة بن خصيف الكعبي ضجّت الأخبار ونشرت بالجرايدْ                      جيشنا المغوار عوّد بالتمامْوالفرح لي عمّ لِبسوله قلايدْ                     شعبنا فرحان ويوليه اهتمامْ سلمى الشامسي انت ما توفّيك الابيات الفرايدْ                          تسهر عيونك لجل شعبك ينامْنصرة المظلوم صارت لك عوايدْ                        من تذرّى تحت ظلك ما يضامْأحمد بن خلف البدواوي ياهلا ويا مرحبا باهل العوايدْ                           الكرام أهل الكرام أهل الكرامْالحرار لوكرها عقب الهدايدْ                         عوّدت بالنصر من قلب الزّحامْسراب الشارجة جيشنا المنعوت في وقت الشدايدْ                           صنّفوه النّخب الأول بالنظامْ ماخذ بصيته شعار عيال زايدْ                          رادعين الظلم ونعيش بسلامْ خليفة بن راشد الوالي لو تروح أم المعارك بالوقايدْ                         الشجاعة قسمكم ذروة سنامْانتم الحصن الحصين لكل كايدْ                        والبلد يا عيال زايد ما يضامْفتاة تهامة يا رجالٍ في فعلكم ما نزايدْ                         ما لكم منا سوى كل احترامْ يعلكم للدار والأمة سنايدْ                  ويرحم الله من رحل ضمن الكرامْ سندية الحمادي مرحبا بَعْداد ما تذّن مسايدْ                     ومرحبا بَعْداد ما ناح الحمامْ اليوم ذا في دارنا عيد ومعايدْ                    واحتفال اليوم هو مسك الختامْنهلة النقبي مرحبا يا ذخرنا ونسل الفرايدْ                     كثر وبل السحب وهطال الغمامْالوطن فيكم بكل لحظة يعايدْ                   يا جنود الشّهم والعود الهمامْطارق بالحاي المراشدة البطولة سطّرت درس وفوايدْ                        يشهد التاريخ وقفتكم وقامْيعزف أنغام القصايد والنشايدْ                    يشكر أفعال وعُزومٍ واهتمامبرديس خليفة الوطن يزهو بكم يا عيال زايدْ                       يا صقورٍ حازت الصف الامامْ جهدكم مشكور يا أهل العوايدْ                      يوم سرتوا لليمن لجل السلامْ محمد النحوي اشهد أنكم كفو حزتوا عيال زايدْ                   عند قادات العرب نلتوا احترامْتحت راية سيدي يا خير قايدْ                     شلتوا راية ديننا فوق الغمامْعبدالله بن قصير الدرعي يحمي الله الدار من شر المكايدْ                 ويسقي الله اعداءها كاس انهزامْنفتخر بالجيش وبفعاله نزايدْ                     والتحايا له بالأول والختامْعلي بن شميل الكعبي