هاجم الملحن  محمد مدين، الموسيقار الكبير حلمي بكر، بسبب تصريحاته حول أن لحن أغنية "حاجة مستخبية" لم يحقق أى نجاح. وكتب مدين عبر حسابه على إنستجرام: "فيه موضوع كل الناس بتتكلم عنه إلا أنا رغم إن أنا صاحب الموضوع، وهو لحن حاجة مستخبية واللحن التركى والإسرائيلى كمان ومهرجان بنت الجيران، بس أنا ساكت عشان ما بحبش أعمل شو ع الفاضى". وتابع:" بس لما ألاقى الأستاذ حلمى بكر طالع امبارح مع الأستاذ عمرو أديب بيتكلم على لحن أغنية حاجة مستخبية إن ده لحن محققش نجاح مع المطرب اللى أخدها (يقصد حماقى) وإن اللحن ده مسروق من لحن تركى، عايز أقوله يا أستاذ حلمى اللى حضرتك ماتعرفوش إن الحمد لله لحن حاجة مستخبية كان مع مطرب كبير مش نكرة وهو الفنان الكبير محمد حماقى، وحقق نجاح كبير جدا فى مصر والوطن العربى، لدرجة أن النجاح ده وصل لتركيا وتواصلوا معايا بكل احترام وأخدوا منى اللحن بشكل رسمى واترجم للتركى مع نجمة كبيرة، وحضرتك ممكن تتأكد بنفسك إن اسم الملحن محمد أحمد فؤاد، زى اسمى فى التنازل وبتواصل دلوقتى معاهم عشان اسم الشهرة". وأضاف:" عايز أقول لحضرتك حاجة قبل ما تطلع فى برنامج كبير زى ده، لازم تتأكد من معلوماتك كويس عشان انت كده مافرقتش عنهم حاجة، هم سرقوا مجهودى وحضرتك بتضيعه، وده شيء يؤسفنى إنه يخرج من أستاذ كبير زى حضرتك، ومش بس كده، للأسف فى حد اتهمنى كمان إنى سارقه من إسرائيل، دخلت لقيت إنهم سارقين منى فعلا جزء من اللحن مش اللحن كله والتاريخ كان من بعد نجاح الأغنية بثلاث سنوات، وده للتوضيح مش أكتر". View this post on Instagram فيه موضوع كل الناس بتتكلم عنه الا انا رغم ان انا صاحب الموضوع وهو لحن #حاجة_ستخبية واللحن التركي و الاسرائيلي كمان و مهرجان #بنت_الجيران بس انا ساكت عشان مابحبش اعمل شو عالفاضي بس لما الاقي الاستاذ #حلمي_بكر طالع امبارح مع الاستاذ #عمرو_اديب في برنامج #الحكاية و قناة مهمة زي #mbc بيتكلم على لحن اغنية #حاجة_مستخبية ان ده لحن ماحققش نجاح مع المطرب اللي اخدها (يقصد #حماقي ) و ان اللحن ده مسروق من لحن تركي ! عايز اقوله يا استاذ حلمي اللي حضرتك ماتعرفوش ان الحمد لله لحن حاجة مستخبية كان مع مطرب كبير مش نكرة و هو الفنان الكبير #محمد_حماقي و حقق نجاح كبير جدا في مصر و الوطن العربي لدرجة ان النجاح ده وصل لتركيا و اتواصلوا معايا بكل احترام و اخدوا مني اللحن بشكل رسمي و اتترجم للتركي مع نجمة كبيرة بحجم #ebru_yaşar و ده لينك الاغنية https://youtu.be/-jTKJijIYGs و حضرتك ممكن تتأكد بنفسك ان اسم الملحن (محمد احمد فؤاد ) زي اسمي في التنازل و بتواصل دلوقتي معاهم عشان اسم الشهرة و عايز اقول لحضرتك حاجة قبل ما تطلع في برنامج كبير زي ده لازم تتاكد من معلوماتك كويس عشان انت كده مافرقتش عنهم حاجة هم سرقوا مجهودي و حضرتك بتضيعه و ده شيئ يؤسفني انه يخرج من استاذ كبير زي حضرتك ومش بس كده للاسف في حد اتهمني كمان اني سارقه من اسرائيل دخلت لقيت انهم سارقين مني فعلا جزء من اللحن مش اللحن كله و التاريخ كان من بعد نجاح الاغنية بثلاث سنوات وده للتوضيح مش اكتر A post shared by Madian (@madian1st) on Feb 16, 2020 at 5:06am PST