علقت الفنانة لقاء الخميسي، على قرار أصدرته نقابة المهن الموسيقية، أمس الأحد، بمنع التعامل مع مطربي المهرجانات نهائيًا في المنشآت السياحية والبواخر النيلية والملاهى الليلية والكافيهات.وكتبت "لقاء" عبر حسابها الشخصي على تطبيق "إنستجرام": "أول مرة أتكلم وأقول رأيي المتواضع في اي حاجه بتحصل، الدنيا قايمة على موضوع شاكوش والأغنية والحفلة اللي ف الاستاد وعيد الحب، أنا مش مع وقف مغني خد تصريح قبل كدا من الرقابه وبيقدم لون شعبي وليه جمهور عريض.. بالعكس انا مع احتضانه والاتفاق معاه بإنه يختار كلمات الأغنية بعنايه طالما انا عندي يقين انه ممكن يفيد البلد في تقويم الجمهور، قصدي نلعبها بصياعة ويبقى بيقدم فنه بس بكلام متنقي وشعبي وسهل برده".وتابعت "الخميسي":" اتنين بقى.. الاستاد دا مكان مهم جدا.. حرم كروي اذًا اي حفله بتتقدم فيه لازم تبقى على قدر وضعه لانه كمان الحفله بتتعرض على الهوا، وانا مش شايفه من رايي ان الحفله اساسًا مكانها الاستاد بس اذا افترضنا ان مافيش غيره، يبقى لازم ننتقي المغنيين والفنانين بقى، حفلة معروضه ع الهوا ل شعب كامل يبقى انا اللي اختار واجهة للعالم وللشعب ".واختتمت لقاء الخميسي حديثها قائلة: "مغني مصري ناجح في بلده وناجح عالميا" مش مغني مهرجانات لانه دا لون من ألوان الغنا لكنه مش واجهة الفن المصري الأصيل اللي اترسمله شخصيه من سنين السنين، فكرة الاختيار والتوقيت والمكان... هو دا الصح، لكن تمنع مغني ليه جمهور يغني انا مش شايفه ان دا حل، الحل هو الاحتضان وانه يتوجه صح طالما ليه جمهور عريض وممكن نستفيد منه، شكرا".يشار إللى أن الفنان حسن شاكوش والفنان عمر كمال شاركا في حفل عيد الحب الذي أقيم يوم الجمعة الماضي باستاد القاهرة الدولي، مما أثار موجة غضب بين رواد مواقع التواصل الاجتماعي، وشارك به الفنانون تامر حسني، نانسي عجرم، وائل جسار، وبهاء سلطان وغيرهم.وبعدها قرر حسن شاكوش وعمر كمال إصدار نسخة جديدة من أغنية "بنت الجيران" بعد حذف جملة "حشيش وخمور" التي أثارت غضب الجمهور على السوشيال ميديا.