أعلنت الفنانة فريدة سيف النصر عن تعرضها لورم شديد في الوجه، وطالبت من محبيها الدعاء لها، وذلك من خلال حسابها الشخصي على موقع التواصل الاجتماعي "فيسبوك". نشرت فريدة صورة لها، أوضحت فيها معاناتها،وعلقت على الصورة قائلة :"ممكن تدعوا لى من قلبكم، بجد أول مرة أبكي زي الأطفال، أنا أصلًا بتحمل لكن مش قادرة، ده مش ماكياج ده وشى بدون سابق إنذار صحيت بصوت نص الليل ودى رابع مرة يحصل لى حاجة غريبة فى وشي وأكون بشتغل،يعنى مش وقته".وتابعت فريدة قائلة:"استغفر الله، أحسن من غيرنا سامحني والنبي، اللهم لا اعتراض،عاملة زي الكورة الكفر عينيا مقفولة وبؤي مدلدل حتى حواجبى وارمه،يخرب بيت كده أنا اديتكم نص الوش علشان حقيقي مش أنا،رعب والله تغيير سريع سبحان الله والحمد لله،مش هزار،تحت أسنان سليمة 4 خراريج إزاى مش عارفين، عملنا بانوراما كاملة والدكتور مستني الالتهاب يروح والورم بحقن الفنتيرن قوية وأوجمنتين، وبعدين يقرر فى إيه؟".وأضافت فريدة:"هو نفسه بيسأل فى إيه؟،هو أنا اللى هاعرف يا دكتور، وطبعًا الفليكتور منيمنى على روحى لأن الألم الحمد لله ما يتحملوش إلا حد مستسلم لإرادة ربنا ويشكره، المشكلة الشغل ومفيش وقت لا حول ولا قوة إلا بالله، لازم يصوروا من غيرى وأنا وافقت هاعمل إيه؟؟".واستكملت فريدة قائلة: "قدر الله وما شاء فعل، حاضر حبيبى يا ربنا كل اللى تجيبه راضية والحمد لله هو ما بيجيبش حاجة وحشة أبدًا قضا أخف من قضا لو هافدي الغاليين كلهم أنا جاهزة، ادعوا لى، أسفة عالصورة بس أنتم حبايبى وهاتتحملوا ده أنا لسه منزلة عالصفحة لايف بالنظارة الفراشة امبارح باين طلعت فراشة ملوثة، الآذان سلام بقى".والجدير بالذكر أن فريدة سيف النصر شاركت مؤخرًا في مسلسل" حواديت الشانزلزيه "، والمسلسل من إخراج مرقس عادل، إنتاج سينرجي، بطولة إنجي المقدم، إياد نصار، إدوارد، عزوز عادل،داليا مصطفى، عايدة رياض، مي سليم.