حسمت الفنانة ياسمين عبد العزيز المناوشات المحتدمة بين شقيقها وائل وبين الفنان أحمد العوضي، وانتصرت للأخير بنشر صورة تجمعهما عبر حسابها بموقع إنستقرام وعلقت عليها قائلة: بحبك يا أحمد، في أول اعتراف منها بحبها، بعد شهور من الشائعات حول وجود علاقة عاطفية بينهما.ياسمين عبد العزيز تعلن حبها لأحمد العوضي ياسمين عبد العزيز لم تنتظر طويلا على الصراع الدائر بين شقيقها وائل عبد العزيز وحبيبها أحمد العوضي، وأعلنت حبها علنا بعدما اتهمها شقيقها صراحة بالإساءة لسمعة العائلة مع تلميحات لفارق السن الكبير بينها وبين العوضي، وتلميح لاستغلال الأخير لعلاقاته الغرامية من أجل تحقيق منافع مادية.  شقيق ياسمين عبد العزيز يفضح علاقتها بأحمد العوضي وأضاف وائل في منشور مفاجئ هاجم فيه شقيقته ياسمين وحبيبها العوضي: بصي يا ياسمين يا عبد العزيز يا أختي، أنا معاكي وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللي كانت بينك وبين بنت هشام سليم الممثلة اللي لبستيها التورتة في وشها".   وأضاف شقيق ياسمين: وقفت جمبك بكل ما أملك من قوة أدافع عنك في كل موقف صعب مر عليكى ونسيت حياتى ونفسي عشانك وبقي كل همي أنا ووالدتك، إنك تكبرى وتبقى نجمة في مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللي ساندتك ووقفت جنبك في طلاقك، لكن هنهرتل وتروحى تعرفى واحد أصغر منك بـ 10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتي وإحنا بنعمل أعياد ميلاد وتنزل على السوشيال ميديا، من أمتي الناس بتجيب في سيرتنا؟ ونقعد نتعاكس على السوشيال ميديا؟   وتابع وائل: ومع ذلك حياتك وأنتى حرة فيها، أنا هتكلم على الشق اللي يخصنى، أنتى مقاطعة كل العيلة عشان تعملى اللي على مزاجك، إحنا دلواقتى وعايزين نفهم العلاقة دى إيه ورايحة على فين".   وأضاف: أما بالنسبة للأخ اللي ماشى وراكى في كل حتة وشايفك البيضة الدهب اللي هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللي أنت سالكه من سنين مع بنات الناس!!.. أنا من رأيى كفاية عليك البطولة اللي أخدتها والعربية المرسيدس الهدية، وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".  أحمد العوضي يرد على اتهامات شقيق ياسمين عبد العزيز العوضي لم يصمت على تلميحات وائل عبد العزيز ورد سريعا بتوجيه اتهامات مماثلة أكد فيها أن وائل يستغل شقيقته وكتب العوضي في المنشور الذي حذفه بعد دقائق: انهي بيت اللي ادخله من بابه..ان كانت هي اللي بتصرف عليك وعلى ابنك اللي مخبيه وراميه وهي بتدفعله مصاريف مدرسته ...باب ايه يابني ادخله .. هو انا شوفت راجل واقف جنبها.. دي واحدة انت مابتعملش حاجة غير انك بتستنزفها هي و مامتها.. باب ايه يابني اللي هدخله من بابه واكلم واحد بيتكلم على عرضه و لحمه قدام الناس .. يابني انا من عين شمس منطقه شعبيه اتربيت على ان الاخت والام والست الكلام عليهم من الكبائر .. عربية ايه يابني أنا أجري الحمد لله يعيشني كويس و يجيبلي عربية حلوة وبيت كويس .. بمجهودي و شغلي مش على عرق واحدة ست .. باب ايه يا حبيبي اللي ادخله و انت اصلا عايش باسمها.. انا شقيت على حالي بعرقي .. لكن انت فشلت في كل شيء .. فشلت كممثل وفشلت كأب وفشلت كأخ وفشلت كبني أدم.   وبعد دقائق قام العوضي بحذف المنشور ووضع بدلا منه اعترافا بحبه لياسمين عبد العزيز، لترد عليه الفنانة بنفس الجملة ونفس الصورة في إشارة لوجود اتفاق بينهما على إعلان علاقتهما رسميا، ورد وائل على التعليق المحذوف لأحمد العوضي عبر حسابه بموقع الفيس بوك قائلا: ردّك متوقع جدا لان هو ده أسلوبك ومش هيتغير بس انا هرد عليك.   وتابع وائل غاضبا: بالنسبه ان احد بيصرف علّيا عمرها ما اديتني جنيه في جيبي وأحب افكرك اني قاعد في بيت ايجار وراكب عربيه تويتا كنت جايبها قسط من شقايا واظن انت شوفتها ايّام مسلسل لاخر نفس لما كان معاك عربيه لانسر .. ويادوبك حوشت عشان اغير عربيتي قريب ..وحتي لو حد من اهلي ساعدني في وقت ضيقه انت مالك !! .. والا معندكش كلام تقوله !!!؟   وأضاف: اما الشغل الي انا فاشل فيه فا لو بتعتبر ١٧ جايزه اخدتهم في اربع سنين فشل فا ياريت تعرف تبقي فاشل زاي لكنك مش هتعرف للاسف .. ومش انت الي تحدد فشلي ونجاحي في اَي شيء لانك طالع علي رقبه الناس .. اما اختي فالمواقف والسنين الي فاتت هيا الي هتبين انا عملت عشانها ايه .. وكلمه اني طالع علي حسها كل الناس عارفه اني شقيت طريقي لوحدي من ١٥ سنه وعلي الرغم من ده فا انا عادي ابطل تمثيل من بكره قدام مصالح اختي .   وواصل رده بقوله: اخيرا بقي .. ردّك ده علّيا اثبتلي انك ولا همك الانسانه الي انت ماشي تعاكسها في كل حته وعلي صفحات السوشيال وسيبت المهم وابتديت في تشويهي ومفكرتش تاخد خطوه محترمه تجاهها الا انك جريت علي الترند وهتشتغل شغل قذر لان ده الي يهمك "ترند " " دور بطوله " " فلوس " " عربيات " .. وبالنسبه للناس الي بتقول اني بتكلم علي موضوع زاي ده علي السوشيال ياريت تدخلوا تشوفوا صفحاتهم وتعرفوا ان الموضوع متعارف عليه للناس الا أهلها ..   وكشف وائل عن حوار بينه وبين شقيقته حول فكرة الزواج مجددا قائلا: ياسمين سالتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك .. بس مش انت !! لاني اعرفك من سنين وعارف نواياك والأيام هتثبت صحه كلامي .. ونصيحه مني ليك لما تدخل علي ست متختارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قويه تاني.. مش يتصور صور زاي دي يا محترم ..  قصة العلاقة العاطفية بين ياسمين عبد العزيز وأحمد العوضي يذكر أن الظهور المتكرر للفنان أحمد العوضي بجوار النجمة ياسمين عبد العزيز في حفل عيد ميلادها، تسبب برواج شائعة تؤكد وجود علاقة عاطفية بينهما نشأت بذرتها الأولى أثناء مشاركتهما في تصوير مسلسل "لآخر نفس" الذي عرض بموسم دراما رمضان 2019، وكالعادة تجاهلت ياسمين الشائعة، بينما رفض شقيقها وائل تأكيد وجود علاقة عاطفية أو نفي القصة كلها لافتا إلى أن الأمر لا يخصه!!   ياسمين رقصت أثناء إطفاء الشموع بحفل عيد ميلادها ال 40 ، وبجوارها أحمد العوضي، كما ظهر ضمن أغلب صور الحفل ملاصقا لها عد الصور الخاصة التي جمعت ياسمين بنجمات الفن بطريقة منفردة، وهو ما دفع البعض لتأكيد وجود علاقة غرامية خاصة أن العوضي ظهر سابقا في مناسبات اجتماعية تخص ياسمين ليصبح الضيف الجديد الوحيد على مجموعة "أصدقائها المقربين" وتضم رامز جلال وأحمد حلمي ومنى زكي وكريم عبد العزيز وأحمد السقا" فقط.   وائل عبد العزيز شقيق ياسمين علق على القصة كلها ببيان مختصر طلب فيه من وسائل الاعلام الامتناع عن طلب رأيه وقال: حقيقه خبر ياسمين أو نفيه لا تعليق ولا أهتم! وكفايه اتصال من الإخوه الصحفيين وشكرا   وسبق أن أعلنت ياسمين عبد العزيز أنها لم تغلق الباب أمام احتمال زواجها مجددا بعد طلاقها من رجل الأعمال محمد حلاوة، وأكدت في أول ظهور لها بعد إعلان الطلاق أنها لا ترفض الفكرة من حيث المبدأ، واعتادت ياسمين الحفاظ على حياتها الخاصة بعيدا عن الأضواء، وغالبا ما تتجاهل الشائعات إلا في حالة الطلاق أصدرت توضيحا رسميا دون تفاصيل وقالت لاحقا أن علاقتها بوالد بناتها لا زالت جيدة.