أكدت الفنانة ساندي، أنها لن تتجه لإنتاج أفلام سينمائية مرة أخرى، بعد إنتاج فيلم "خطة چيمي"، حيث إن مجال الإنتاج يحتاج إلى العديد من الحسابات الأخرى. وقالت ساندي، أثناء ندوتها في موقع "صدى البلد": "أنا بعرف اكتب قصص وكتبت قصة فيلم خطة چيمي وكانت مستوحاة من عمل أجنبي لاني كنت عايزة ابين للناس فكرة انهم بيهتموا بالشكل الخارجي مع ان الشخصية دي مكنش يطاق أن يتعاش معاها ثانية".   وبسؤالها عن الإنتاج قالت ساندي: "معتقدش أني هنتج فيلم تاني لاني بعد فيلم خطة چيمي اتقلبت كتير أوي لكني أكيد همثل تاني بس حاسة أني محتاجة أذاكر كتير أوي مش عايزه يتقال ساندي اللي بتغني بقت تمثل وخلاص". وعن تجربة فيلم "عيش حياتك" قالت ساندي: "الفيلم لم يتوفر له أي حاجة بس اتصرف عليه كويس لكن متعملوش أي دعاية وده راجع لقلة خبرة الانتاج بس كان غصب عن المنتج فهو شخص محترم جدًا". وأضافت: "كنت اتمنى ان وزارة السياحة تدعم الفيلم لكن محصلش اي اتصال من الأساس بين شركة الإنتاج والوزارة عشان كده لا يمكن توجيه اللوم لهم ..  لكن انا مبسوطة اني شاركت فيه لانه بيدعم البلد وانا دارسة سياحة و عارفة قد ايه السياحة بتفرق معانا".