لم تتمالك الفنانة هنا الزاهد نفسها، وهاجمت أحد متابعيها عبر موقع التواصل الاجتماعى "تويتر"، بعدما اتهمها بـ"التصنع وتجاهل الفقراء الذين يواجهون سوء الأحوال الجوية".  البداية عندما كتبت هنا الزاهد تغريدة طلبت فيها، فتح أبواب العمارات لحماية الكلاب والقطط من الأمطار وسوء الأحوال الجوية: "افتحوا أبواب العماير عشان الكلاب والقطط يستخبوا فيها". وأضافت هنا الزاهد: "ياريت اللي ينزل من البيت لأي ظرف ياخد معاه بطانيات عشان في ناس ميتة من البرد في الشارع. ربنا يكرمكوا". ليرد عليها أحد المتابعين، قائلا: "وبالنسبة ياهانم للناس الغلابة اللي مالية البلد وبتفرش كراتين وتنام تحت البلكونات ملفتوش نظرك ؟؟؟ بطلوا تصنع بقى". لتنفعل عليه هنا الزاهد، وترد: "وبالنسبة إن حضرتك أحول ومشوفتش التويتة اللي بعديها". ناشدت الفنانة هنا الزاهد أصدقاءها ومتابعيها بعدم  طلب الأكل بخدمة التوصيل إلى المنازل حيث سيعاني القائمون على التوصيل فى ظل الظروف المناخية الصعبة. وكتبت هنا الزاهد على صفحتها على موقع فيسبوك: يا جماعة في App عامل discount على الدليفري انهاردة بعد إذنكوا محدش يطلب أكل دليفيري في ناس ممكن تموت في الطريق عشان يوصلولك أكل عشان حضرتك مكسل تفتح التلاجة تاكل أي حاجة و ال Apps ال زي دول لازم نقاطعها بالذات النهاردة و بكرة. وأضافت هنا الزاهد: الرحمة يا جماعة محدش يطلب أي أكل دليفيري عشان في مطاعم شغالة دليفيري عادي جدًا ... ارحموا من في الأرض يرحمكم من في السماء.