وجه على لطفي، حارس مرمى الفريق الأول لكرة القدم بالنادي الأهلي، رسالة لزميله شريف إكرامي الذي أعلن النادي الأحمر رحيله نهاية الموسم.وقال "لطفي" عبر حسابه بموقع التواصل "إنستجرام":"كابتن شريف إكرامي مش عارف أبدأ منين ولا أقولك إيه غير إنك فعلًا من أحسن وأنضف الشخصيات إلى عرفتها مش على مستوى الكوره بس ده في حياتي كلها".وأضاف:"كنت دايمًا بتنصحني وبتدلني للخير ليا دايمًا وكان شرف ليا إني كنت قريب ليك في النادي أستفدت منك كتير جدًا بره الملعب وجوه الملعب".وتابع:"في كل تمرينه وكل موقف كنت بتعلم منك حاجه انا قبل ما أجي النادي الأهلي كنت بحبك من تعاملاتك الراقيه معايا في معسكرات المنتخب بس لما قربت منك ربنا يعلم انت بقيت عندي إيه ومن أكتر الشخصيات إلى أثرت فيا في حياتي".وأوضح: "ربنا يكتبلك الخير في خطوتك الجايه انت مكسب لأي مكان في أي منصب وإن شاء الله هتبقي خطوه موفقه ليك مع إني ملحقتش اشبع منك السنتين تلاته دول يا وحش أفريقيا يا محترم".