ناشدت النجمة سمية الخشاب المصريين بضرورة الجلوس في المنزل، للوقاية من فيروس كورونا، وذلك من خلال فيديو خاص بثته من منزلها وأرسلته للبوابة نيوز.وقالت الخشاب عبر الفيديو: "عايزة أقول لكل الستات لو أنت قاعدة في البيت ممكن تعملي حاجات كتير رتبي دولابك نطلع الهدوم القديمة ونعمل بيها خير اهتمي بجمالك وبشرتك والرجالة لو في حاجات تانية تعملها والفترة دي فرصة لكل عيلة إنهم يقعدوا مع بعض ويتكلموا مع بعض بدل الموبايلات اللي الكل مشغول بيها ونتكلم مع بعض ونحكي لبعض زي زمان".كما دعت الرجال إلى تصليح الأشياء التالفة في البيت من سباكة وكهرباء ودهان.وتابعت: "أرجوكم اقعدوا في البيت أرجوكم تحبوا عيلتكم تحبوا نفسكم وحبوا بلدكم مش عاوزين الوباء ده ينتشر، ومش عاوزين الموضوع يبقى صعب ويتقال علينا إننا شعب غير ملتزم، وفوضوي إحنا أثبتنا للعالم كله إننا أقوى شعب وأجمد شعب في المواقف الصعبة بنبقى بجد".