حث الفنان سعد الصغير، جمهور صفحته ومتابعيه على إنستجرام بضرورة عمل الخير باستمرار دون الارتباط بحادث أو موقف معين، وقال خلال صفحته الرسمية بإنستجرام: "مساء الفل على اخواتي وحبايبي بقول كل كلمة من كل قلبي في ظروف صعبة ما يعلم بها غير ربنا مش هقولكم انا هتحدي ولا هقول كام أسرة ولا كام شخص حاجة واحدة بس كنت كمان في مشهد من فيلم ابقي قابلني قولتها".وتابع: لو كل واحد معاه فلوس أو غني ساعد حد فقير بس بحاجة بسيطه عمرنا ماهنوصل في إلى احنا فيه، اه احنا احسن من ناس تانيه كتيره وبلاد تانيه كتير بس انا بتكلم في حاجة معينه إلى هيا مش شرط حدث يحصل أو حاجة كبيرة تحصل والعالم شايفها فا تساعد علشان ظروف ما وبعد كدا تقول انا عملت إلى عليا ياجماعه اقسم بالله إلى بيعمل خير طول عمره هيفضل في خير طول عمره وكفايه السيره الحلوه وحب الناس. واستكمل: بسيطة ومش هطول عليكو ياريت الناس إلى بتعمل خير وتتحدي تعمل التحدي ده مع ناس الغلبانه التعبانه إلى انا كنت واحد في يوم من الأيام منهم مش أيام ولا شهور فقط ياريت نساعد بعض طول حياتنا افهم وخليك عارف كدا هنموت كلنا وكلو هيبقا زي بعضو خالي إلى معاك مايبقاش بتاعك انت وبس في غيرك محتاج ربع بسيط من إلى معاك وانت خد الباقي ياعم واعمل إلى انت عايزة. اتمنا كلامي يبقي مفهوم ويوصل لكل حد محترم اصيل بيعمل خير وبيحب الناس من قلبو بجد وطيب. وان شاء الله ازمه وهتعدي باذن الله ربنا هيكرمنا وهنبقا احسن ناس في الدنيا اللهم أمين".