ناشد الدكتور محمد علام، نائب مدير مستشفى العزل بالنجيلة المركزي، اليوم السبت، اللواء خالد شعيب محافظ مطروح، وجميع المسئولين، تكريم البطل والشهيد، ناجى صالح فرج الجرارى، أمين المخازن بالمستشفى، واعتباره من شهداء الوطن وتخليد اسمه بعد وفاته جراء فيروس كورونا المستجد. وقال نائب مدير المستشفى، عبر حسابه الخاص على موقع فيس بوك: "الواحد لسه بادئ يفوق من الصدمة، أنا كنت بستمد قوتى وضحكتى وتفاؤلى من الناس دول، يا رب القوة من عندك، مفيش بعد الموت بطولة، مفيش بعد الموت تضحية، رجل طاهر اليد بشوش محب للجميع، محدش زعل منه طول سنين عملنا معاه بطل بمعنى الكلمة". وأكد" علام"، أن "المتوفي ظل شهورًا بعيدا عن أهله، يؤدى دوره اللى عمره مقصر فيه، ونشهد جميعا على ده، مفيش حاجه هتعوض غيابه، لكن مفيش بإيدينا حاجة غير تخليد ذكراه والدعاء له وربنا يتقبل عمله وتضحيته ويجعله شفيعا له".جدير بالذكر أن ناجي فرج الجرارى، أمين المخازن بالمستشفى، قد وافته المنيه صباح اليوم السبت، جراء إصابته بفيروس كورونا المستجد.