أكد المطرب الشعبي حسن شاكوش، عدم أحقية صديقه عمر كمال في الحصول على إيرادات أغنية "بنت الجيران" لأنها أغنيته من البداية وقام بدعوة عمر كمال للمشاركة فيها، قائلا: "الأغنية مش بتاعة عمر كمال عشان يسأل في إيراداتها وهي بتاعتي اصلا وكنت مخلصها كلها غنى وجبت عمر يغنى فيها".وهاجم حسن شاكوش، في لقاء ببرنامج "شيخ الحارة والجريئة" مع المخرجة ايناس الدغيدي على قناة القاهرة والناس، عمر كمال لادعاءه المستمر في لقاءاته التلفزيونية بعدم الاستفادة من أغنية "بنت الجيران"، ووجه الكلام له قائلا: "عمر كمال يقول أنا مستفدتش من اغنية بنت الجيران وهو كان فين أصلا قبل الاغنية وهو استفاد ولو بياخد جنيه بقى بياخد عشرة جنيه".وعن موقفه من ايرادات أغنية بنت الجيران، قال: "الأغنية أصلا في شركة حطه أيدها على الأغنية، وانا كمان مخدش فلوس ولسه في خلافات، ولكن الايرادات دلوقتى على قناتي وأنا ميت على الفلوس دي لان انا اللي تعبت فيها وهي دلوقتي عماله 350 مليون مشاهدة، ولما أخد الفلوس هديها لأمي".