بتتوه مني الحروف لأن الحادث جلل، لأني أم لثلاثة أولاد، وأعرف شعور الأم.. الأم اللي بتتمنى ابنها يعيش طول الحياة.. وتتمناه أحسن مخلوق على الأرض.الصدمة والاختبار صعب لكن الشهادة بتحقق دعوة الأم اللي ربت وضحت.. ابنها بيكون مع الأنبياء والصديقين.. واقف على باب الجنة مستني قدومها بياخد بإيدها ويقول لأهل السماء زي ما اتقال لأهل الأرض، أمي اللي ربتني أكون بطل.. أمي اللي ربتني أدافع عن أرضى وعرضي. "يا أمنا.. يا أم البطل الشهيد عبدالحميد، كل ولادنا ولادك وياريت نقدر نربيهم زي ما ربيتي انتِ ابنك رجل عاش رجل ومات رجل، قلبي اتوجع لما شفت دموعك لكن كل وجع يهون يا أمي أمام الشهادة ولقاء الرحمن".يا أمي.. يا أم البطل.. يا كل أمهات الأبطال مصر حفظاكم.. حطاكم في قلبها.. وعارفة إنكم ربيتوا وعلمتوا وقدمتوا ولادكم علشان يدافعوا بأرواحهم عن أرضها.. تحيا مصر بأولادكم الأبطال.. بدعواتكم سبب الانتصار.