رفض الفنان أحمد فلوكس، ما أثير عن أن النجم محمد رمضان يرفض أن يضم لأعماله السينمائية والدرامية، قائلا، "انا مابشتغلش مع أى حد، انا اللى بنقى اللى بشتغل معاهم.. ماحدش يجبرنى أشتغل مع حد.. أنا بعد عادل أمام ومحمود عبد العزيز مابتكلمش على نجوم .. محمد رمضان صاحبى واشتغلنا فى أكتر من مسلسل .. عمرى ما اتغريت على حد .. التمثيل شغلانة "الأنا" .. وهو ده اللى اتعملته من أبويا .. شاركت كممثل كومبارس فى أغنية الدنيا مجنونة وخدت 50 جنيه. وتابع فلوكس، خلال برنامج "شيخ الحارة"، مع إيناس الدغيدى على القاهرة والناس، "مش ندمان على فيلم 30 يوم فى العز مع السبكى.. فأنا كنت محتاج أشتغله جدا .. لأنه بيميل للطبقة الشعبية وديه طبقة أنا بحبها .. رغم أننا من أسرة أرستقراطية .. ولكن مش هشتغل مع السبكى تانى .. هو منتج جميل محترم وبيحب الفن وطيب.. لكن عندي خلاف معاه أنه لا ينفذ اتفاقياته .. مابيدفعش أصلا.. وباقيلي 20 ألف جنيه ".وحول تقديمه لشخصية أنور وجدى فى مسلسل "أنا قلبى دليلى"، قال فلوكس، "كان ممكن أمثل أنور وجدي بشكل أفضل من كده .. رغم أنى راضى عن أدائى .. فأنا اعتمدت على أفلامه فقط .. كان ذكي لكن عصبى جدا".وحول سؤاله عن من هو نجم مصر حاليا، فقال فلوكس، "السقا مدرسة كلنا جرينا وراها .. أما عز لما اشتغلت معه فى الممر  لقيته بيشتغل على نفسه بشكل مش طبيعى وبيحترم كل الناس.. أما أمير تعب جدا فى حياته وأخد السلم من تحت .. وأعرفه من أيام الجامعة".