حرص المخرج يسري نصر الله على توجيه رسالة للفنان هشام سليم بعد تصريحاته بإجراء ابنته لعملية تحويل جنسي لتصبح ابنه نور، وأشاد خلاله بموقف هشام مع ابنه،وذلك من خلال حسابه الشخصي على موقع التواصل الاجتماعي "فيسبوك".كتب يسري نصر الله منشورًا قال فيه :"تحياتي القلبية لهشام سليم ولنور هشام سليم، ما حدش مختلف بيبقى طالب مباركة المجتمع كله لاختلافه،كفاية جدًا إن أهله وأصدقائه وحبايبه يحبوه ويحترموا إختياراته".وتابع يسري نصر الله قائلًا:"المجتمع بقى يتلم وينقطنا بسكوته،أنا كل شوية هأضيف حتة: لما الإنسان منا بيبقى عايش حاجة خاصة ومختلفة، أيا كانت، بيبقى قدامه حلين: يعيش كذاب ووحيد ويمثل إنه زي كل الناس، أو يعيش وسط ناس متفهماه وقابلة إختلافه وتحبه زي ماهو،الناس دول هما إللي يمكن يعتبرهم أهله وأصحابه وحبايبه،التانين البعد عنهم غنيمة، أيًا كانوا".وأضاف يسري قائلًا :" أنا كتبت فوق يحترموا اختياراته، وده غلط،الإختلاف عادة مش اختيار، كان لازم أكتب يحترموا طبيعته". وكان هشام سليم قد صرح أمس خلال حلوله ضيفًا في برنامج "شيخ الحارة والجريئة" مع المخرجة إيناس الدغيدي،عن تحول ابنته، حيث قال:"بنتي نورا بقت ابني نور وربنا اللي عايز كده وهي لسه بتتحول حاليًا، وأنا مستغربتش أبدًا أنها تتحول جنسيًا لأنها من ساعة ما اتولدت وأنا كنت شايف إن جسمها ولد وكنت على طول بشك في الحكاية دي".