أكد الفنان محمود العسيلي، أن حديثه عن فيروس "كورونا"، في إحدى التغريدات له على تويتر، فهمت بشكل خاطئ، قائلا: "ماقولتش إن كورونا وهم، قولت انها خدعة كبيرة في البشرية، كنت بتكلم عن حجم الخوف والهلع غير المبرر، بالكورونا قعدنا ٤ مليارات شخص في البيت، والحكومة المصرية ما بيتعاملش بهلع وخوف بالعكس بطريقة خلتنا نفتخر بحكومتنا".وتابع خلال برنامج شيخ الحارة على "القاهرة والناس": أغنية "علشان تبقى تقولي لا" بتاعت تميم يونس مش بتاعتى، وأنا استفدت اني طلعت فيها وشرف ليا أني أطلع فيها، ولما عمل الأغنية اللي قبلها "انتى أى كلام" قولتله أنا معاك في اللى جاي، وأعتقد أنها عبقرية بس هي مش أغنية، لأنها بتلعب على المحتوى".وأضاف العسيلى: "بتفرج على مسلسلات رمضان وفي حاجات كتير عجبانى، لكن كنت قلت: إن ٣٠ حلقة ممكن يؤثروا على المحتوى، ولو اتعملت ١٥ حلقة هيبقى أفضل، والمشكلة اننا بنتفرج على مسلسلات برة وعارفين الإيقاع السريع، وأنا شخصيا أتابع، "الاختيار والبرنس و١٠٠ وش والفتوة وانا شخصيا مابغنيش تترلت خالص غير مرتين".ووجه العسيلى رسالة إلى ابنه قائلا: "ابني على مش بعيد عني، أنا موجود في حياته بشكل كبير، وبيبات عندي يومين تلاتة في الأسبوع، وهيتم ١٠ سنين في أغسطس اللي جاي واقول له " انا دايما في ضهرك وسندك" وعن والده، "كان مؤثر في حياتي وعلمني حاجات كتير".