شاركت الإعلامية شيرين حمدي، متابعيها بصورة جديدة لها برفقة النجم تامر حسني، وذلك عبر صفحتها الرسمية بموقع "انستجرام". وعلقت قائله: "بحكم شغلي أنا قابلت واتعرفت علي معظم فنانين مصر، ولكن بصراحة أنا عمري ما قابلت فنان مثل تامر حسني"، وأضافت "هو مش موهوب زي ماالناس شايفة لا هو أيضا ذكي وجدع ومحترم وبيوقف جنب الصغير قبل الكبير وبيهتم بتفاصيل شغله فوق ما تتخيله وبيهتم إن كل اللي حواليه يطلعوا بأحسن صورة".وتابعت تامر، بيمثل وبيغني وبيكتب وبيلحن أغانيه ويؤلف قصص أفلامه وبينتج ووصل إلي أعلي إيرادات في تاريخ السينما المصرية والعربية , فعلا أنا فخورة إني أقول عليه أخ وصديق عزيز , فعلا شرف كبير ليا وطبعا ولازم أشكر الشركة المتحدة للخدمات الإعلامية وقناة أون تي في علي هذه الفرصة الرائعة . ورد تامر حسني عليها معلقًا: "يا شيرين أنا اللي بشكرك علي روحك وشطارتك وإدارتك للحوار , وأنا اللي اتشرفت إني كنت مع إعلامية محترمة زيك وربنا يوفقك في كل اللي جاي إن شاء الله". جدير بالذكر أن تامر حسني، قدم حفل غنائي بمنطقة الصوت والضوء بالأهرامات دون حضور جماهيري، وقدم أغاني قديمة وحديثة أبرزهم "عينيا بتحبك"، "بعيش"، "أرجعلى"، "ورد صناعى"، "ناسينى ليه"، "كفاياك أعذار"، "بنت الايه"، "أنا ولا عارف"، "ريح بالك"، "رسمي فهمى نظمى"، يانا يا مفيش"، "نور عينى"، "بطلة العالم في النكد"، "عيش بشوقك"، "حلم سنين" وأختتم حفله بأغنية "اللحظة الحلوة".