قال الرئيس المصري عبد الفتاح السيسي في كلمة له، أثناء تشييع جنازة المستشار هشام بركات، ظهر الثلاثاء: لسنا مرتبكين ولا مهزوزين، ولا أي حاجة، فيه غضب وفيه حزن لكن المصريين شعب عظيم مفيش حاجة، آه فقدنا عظيم، لكن واقفين على رجلينا، اللي عمل العمل ده في الأيام دي يقصد ينال مننا كلنا، ويقولنا مش هتقدروا، وإحنا لغاية دلوقتي معملناش إجراء استثنائي واحد، ومحدش يعرف إيد الدولة عاملة إزاي، إحنا بنفذ قانون لو القاضي أصدر حكم بالإعدام هيتنفذ الإعدام، لو أصدر مؤبد هيتنفذ المؤبد، دلوقتي قبل بكرة جاهزين لتنفيذ الأحكام». وتابع: «بقول تاني محدش يقدر يغلب شعب، عايزين نعزي كل المصريين بالفعل مش بالكلام، دولة بتقوم وتطلع قدام، بأحكام ناجزة للعدالة في أسرع وقت ممكن». كان مسجد المشير طنطاوي بالتجمع الخامس، شهد تشييع جنازة النائب العام، الذي لقي مصرعه في تفجير استهدف موكبه، صباح الاثنين، بمنطقة مصر الجديدة.