كشف الفنان رامز أمير عن تعرضه لإصابة خطيرة، وإجرائه أكثر من عملية جراحية.ونشر "رامز"، على صفحته الرسمية بموقع الصور والفيديوهات "إنستجرام"، صورة من داخل المستشفى وكتب عليها معلقا: "هتكلم معاكوا بجد شوية، فكرت كتير قبل مقولكم عشان مكنتش عاوز أزعل أي حد بيحبنى، بس حسيت أن ممكن تجربتى دى تبقى مفيدة، تبقى دافع لشخص محبط انه ميستسلمش لما يقع والدنيا تكسره، دى إصابة خطيرة حبيتين من تمرين الباركور كنت مخبيها عليكم وللأسف دى مش العملية الأولى بس إن شاء الله الأخيرة، بوقفة ربنا جنبى هوريكم إزاى ممكن تقع وتقوم تانى وتبقى أقوى من الأول".وتابع، "هكمل الطريق اللى وعدت نفسى بيه وهعملكم أكشن متعملش عندنا في السينما قبل كده، ربنا يقدرنى بس واعرف أشرفكم وعشان خاطرى محدش يزعل ويقولى خاف على نفسك، انا عارف خطورة اللى انا بعمله من اول يوم وراضى الحمد لله عشان انا بعمل الحاجة اللى بحبها، دعواتكم بقه عشان لسه شايلكم اكشن كتير في الصندوق".