دور الاعلام المفروض زي ماحنا عارفين... هو نشر الأخبار ونقل المعلومات... وممكن تزود عليها التثقيف والتوعية والتسلية... ولو الإعلام ده متطور شوية... يبقي هيقدم تحليل للاحداث ومقترحات لحلول المشاكل اللي بالتأكيد لازم يكون فيها مصلحة الوطن والمواطن في المقام الاوللكن اللي حصل في العقدين الأخيريين...حاجة تانية خالص... ان بقي دور الاعلام هو تشكيل الراي والوعي والتوجه العام... حسب رؤية ومصلحة اللي واقف وراء المصدر الاعلامي ده... يعني مصلحة صاحب المحل... سواء مخابرات او دول او حتي رجال اعماللما ظهرت قناة الجزيرة قدرت تخطف عقل ووعي المواطن العربي... بتقديمها نوع عالي من المهنية والتقنيات المتقدمة والوصول السريع لمكان الحدث... اللي ماكانش متوفر علي القنوات الاخري... واللي ابهرتنا كمشاهدين... لدرجة انها في مرحلة مهمة وفاصلة من تاريخنا... كانت هي مصدرنا المثالي لمعرفة الاحداث... تحت مسمي السلوجان الوهمي بتاعها الراي والراي الآخرواكتشفنا بعد خراب مالطة ان الجزيرة لبستنا كلنا السلطانية... فدخلتنا في الحيط... وكانت هي قائدة الربيع العربي بإمتياز... اللي نتج عنه سقوط خمس دول عربية وتفكيكها وتحويلها الي جزر متناحرة شعوبها بتحارب بعض... ومش بس كده دي كانت المايسترو الفعال في نشر الفرقة والكراهية بين الشعوب العربيةواللي بيحصل في امريكا والعالم دلوقتي كوبي بيست للي حصل في المنطقة العربية وشيل قناة الجزيرة وحط مكانها ال CNN و Fox News و BBC والقنوات التركية الاخوانية ووسائل الاعلام المشابهه... واللي هدفها بردو مصلحة صاحب المحل... وليس مصلحة المواطن او المنطقة من قريب او بعيديعني في حادثة فلويد كمثال... ماشوفناش القنوات دي بتطالب الجماهير بالتهدئة... والسعي بالطرق السليمة والسلمية والقانونية لعقاب المتهمين... وعرض اسباب تكرار الحوادث دي... وتعويض ضحايا الاعمال العنصرية... ومقترحات لتشريعات جديدة ممكن تحد من تجاوزات السلطات الامنية... وتحمي المواطن الاسود البشرة والاقليات لينالوا حقهم العادل في التعليم والصحة والحياة المحترمة وضمان عدم تكرار مثل هذه التجاوزاتلو بصيت علي CNN مثلا... هتلاقي قناة بتكسر في ترامب وخلاص... من يوم مامسك السلطة... وكل يوم نقد غير موضوعي وماتسمعش علي القناة دي اي خبر او معلومة عن نجاحه في تحسين اوضاع المواطن الامريكي باي صورة من الصور... ولا حتي بتقدم حلول موضوعية للمشاكل اللي بيعاني منها... ونقد نقد نقد... وتسخين تسخين تسخين... هدفه الوحيد اسقاط الجمهوريين ليحل محلهم الديمقراطييناوعي تفتكر لثانية ان الاضطرابات اللي بتحصل في أمريكا وامتدت لأوروبا بسبب جورج فلويد هي وليدة اللحظة... مشكلة تجاوزات الشرطة ضد المواطنين من اصول افريقية دي مشكلة مزمنة في المجتمع الامريكي والغربي... بس قبل كده كانوا بيقولولنا ان السبب فيها ان الرجل الاسود ده رجل سيء بالفطرة وجيناته مجرمة... ودلوقتي بيقولك علي نفس وسائل الاعلام ان الرجل الاسود سيء بسبب عنصرية ترامب... آه واللهومع جائحة كورونا في أمريكا... بدأ التسخين والطرق علي الحديد في ملف العنصرية القديم بقدم إنشاء امريكا نفسها... فظهرت مسميات لم يكن يتطرق اليها احد من قبل إلا علي إستحياء... فظهر مسمي المجتمعات السوداء black communities المضطهدة المهمشة... اللي لا عندهم تعليم ولاخدمات صحية ولا إجتماعية ولاحتي انترنت... واللي اظهروا بانها اكتر الاماكن تضررا... وتلاقي تعنت واهمال في حصار وعلاج الفيروس فيهاوجاءت حادثة مقتل جورج فلويد كالقشة اللي قسمت ظهر البعير... لتحصد كم التسخين السابق... فحدثت الاضطرابات اللي تلتها كمحصلة للي حصل مع وباء كورونا... والغريب والمفزع والمثير للأحتقار... وقوف الحزب الديمقراطي وراءها وتشجيعها لتحقيق مكاسب سياسية حتي لو علي حساب زيادة الشرخ في المجتمع الامريكي ومقدمه للانهيار المجتمعي اللي ممكن يكون مقدمة لحروب اهلية هناكالاعلام الان اصبح كارثة عالمية... وعدم الحيادية وقلة الموضوعية والاجتزاء هي السمة السائدة... الاعلام اصبح مقزز بدرجة كبيرة... واصبح دور الشخص الواعي هو تكوين رايه الخاص به... فعليه ان يراقب الجميع ليقارن ويحلل ويحكم عقله ليكون رايه في الاحداث بدون تدخل من احدماعرفش انا شايفة ان الاعلام الآن بيقود العالم لحرب عالمية كبري بعد عملية تكسير العظام دي لبقاء الاوسخ وليس الافضل او الاقوي... وذلك بعد السقوط المروع لمسميات كثيرة فقدت بريقها كمسمي الدول المتحضرة والديمقراطية والحرية وحقوق الانسان