بعض العلماء بيستعملو العاطفة في العلم. معظم نظريات العلماء بتبدا بقصة، مش بس بالفيزياء و الرياضيات، القصة اللي عايز اقولهالكم مبنية على علم، و لكن هقولها على شكل قصة بسيطه. مايكل جاكسون ، فرانك ساناترا، الفيس بريسلي ، خوليو ايجلاسياس، عبدالحليم حافظ، محمد فوزي ، اسمهان . ليلي مراد .. تفتكروا ايه هيا الحاجه المشتركة بين كل الاسماء دي؟ الاجابة: كلهم نجوم بس مش موجدين. من الصفات المعروفة للنجوم اللي في السماء، هيا انو بيعمل ضوء ساطع قوي جدا، و لما بنشوف الضوء دا، بيعكس علينا طاقة الايجابية. يعني بسمه صغيره او لحظة رومانسية او وقفة تأمل. علشان كدا، كلنا بنحب نبص فوق علي النجوم في السماء علشان كلنا محتاجين الطاقة الايجابيه دي. لكن اللي مش معروف عن النجوم، ان في منهم مش موجوين اصلا؛ و بالرغم انهم مش موجودين، احنا شايفينهم بردو. كأنهم حقيقة بالظبط. لكن اللي احنا بنشوفو دا ، هوّا بس الضوء بتاعهم اللي كان في يوم من الايام موجود في النقطة دي. يعني النجم نفسه مشي، مات او راح مكان تاني. بس اللي فاضل منه بس هوّا عمله. بمعني تاني، اللي احنا بنشوفو دا، هوّا ماضي النجم .....لما بتبص علي النجوم اللي في السما، انت بتبص على الماضي. التفسير العلمي هوّا ان سرعة الضوء بتسافر  بتسافر 3000 كيلومترا في الثانية. يعني سرعة رهيبة جدا. و ضوء النجم بسافر سنين كتير جدا لغاية ما يوصل للأرض. النجوم اللي بنشوفها بالعين المجردة ، هيا في الحقيقة اقرب نجوم لينا في الكون. المجره، في ناس كتيره عارفة كلمة المجره، لكن انا مش متاكد اذا كانت الناس فاهمة بجد اد اية المجره دي وحش كبير جدا . المجرات ضخمة جدا بشكل لا يصدق. المجره هيا عيلة من 500 بليون نجمة. و هيا بحجم  100,000 مليون سنة ضوئية من نقطة بدايه المجره لنهايتها. عايز اكلمكم علي النقطه دي. علشان الناس بتطلخبط في الحته دي، لما بتشوف كلمة سنة بتفكر علطول في الزمان. و بس كلمة سنه ضوئية هيا للمسافه. النور في الفضاء بسرعة 300،000 كيلومتر في الثانية. و لو مشيت علي السرعة دي لمدة سنة كاملة، هتكون 9,5 ترليون كيلومترا و دي سنه ضوئية واحده، المجره مسافتها 100،000 سنه ضوئية. يعني 100،000 في ,9,5 ترليون. احسبو حجمها اد ايه.الاسم الشهير لمجرتنا بالعربي، هوا مجرة درب التبانة. Milky Way galaxy و الشمس بتدور حوالين مركز منتصف المجرة. و اقرب مجرة لينا اسمها اندروميدا و تبد عننا ب 2 مليون سنة ضوئية. و دي ممكن نشوفها عادي وسط النجوم بليل خاصة بعيد عن التلوث الضوضائي خارج المدينة. النور اللي بتشوفو عينك دا خرج من اندروميدا من 2 مليون سنة. يعني انتو بتشوفو الماضي . التلسكوب "هابل" اللي في الفضاء ، بعمل صور للنجوم اللي في المجرة دي و لكن الصورة اللي التلسكوب شايفها هيا عمرها 2 مليون سنة لغاية ماوصلتلو. و دا عامل الوقت في النظرية النسبية. يعني لما نبعد بنظرنا بليون سنه ضوئية ، و دي تكنولوجيا ممكن نعملها دلواتي بالتلسكوبات . معنى كده اننا بنبص علي الوقت في الماضي. و الكون شكلة مختلف عن شكله في الوقت الحالي . اقصي حاجة نقدر نبص عليها دلواتي بأقوى التلسكوبات الارضية ، هوّا 13.7 بليون سنة في الماضي . دي حاجه مش خيالية و لا نظرية. دي صوره فعلا ممكن تلقطها. يعني ببساطة كدا اللي احنا شايفينه دا هوّا بس ضوء المجره ، لكن هيا في مكان تاني او بشكل تاني او ماتت و مش موجوده اصلا . زي باظبط مايكل جاكسون او عبدالحليم حافظ بنشوفو فالتلفزيون او بنسمعوا لكن هوّا في الحقيقه في مكان تاني خالص.