أجاب الدكتور هاني الناظر، الرئيس السابق للمركز القومي للبحوث، عن ثلاثة أسئلة مهمة بشأن فيروس كورونا المستجد.وقال الناظر عبر صفحته الرسمية على فيسبوك: ثلاثة أسئلة مهمة والإجابة عليها بشأن كورونا والوقاية منه:١- ينفع أخرج بالكمامة ومش ضروري أحافظ على مسافة متر بيني وبين الناس طالما الكمامة محكمة على أنفي وفمي؟- لا مش كفاية حضرتك لأن لو المسافة قريبة بينك وبين حد مصاب وعطس أو كح والرذاذ وصل ملابسك وإيدك وبعد كده لمست عينيك هايكون في خطورة وكمان الفيروس ممكن يتبقى على الملابس ولما تروح البيت يتنقل لحد تاني.٢- بيقولوا الكمامة القماش ما تنفعش يا ترى فعلا ده كلام صحيح؟ لا، كلام غير صحيح، الكمامة القماش فعالة وتؤدي الغرض ولكن بشرط.. إيه هو الشرط؟- الشرط إن حضرتك تفصلها بحيث تكون مكونة من ثلاث طبقات.. الأولى من قماش قطن والثانية من قماش شيفون والثالثة من القماش القطن وميزتها أنك تقدر تغسلها كل يوم بالماء والصابون بعد ما ترجع وتستعملها تاني يوم ولمدة أسبوعين.٣- هل فعلا غسيل الإيدين بالماء والصابون كافٍ للتخلص من الفيروس ولا لازم أمسح إيدي بالكلور؟ - طبعا الماء والصابون كفاية جدا لأنهما بيزيلوا الغلاف الدهني اللي بيحمي الفيروس وبكدة ينتهي تماما ولا داعي طبعا للكلور؛ لأنه بيعمل حساسية شديدة للجلد والتهابات مؤلمة.