لليوم الثاني أصبحت مها اسامه السيد، حديث السوشيال ميديا في مصر، فبعد ٢٤ ساعة من نشرها بث حي تعلن فيه رغبتها في البحث عن عريس، وأنها لجأت لهذا الأسلوب بسبب حالة العزل التي يعيشها الملايين نتيجة وباء كورونا، نشرت مها السيد ( ٣٢ سنة) بوست أعلنت فيه، استغناء الشركة التي تعمل بها عنها.وكتبت مها  "خسرت شغلي، بس ان شاء الله اللي جاي أحسن"، وسرعان ما تضامن الكثير معها. . كانت مها السيد قد قالت في البث الحي الذي نشرته أمس على صفحتها بموقع فيسبوك: مفيش خروج ومفيش كافيهات ومفيش جيمات ( صالات رياضية) والدولة شايفه أن ده الصح عشان تحافظ على صحة مواطنيها، والطبيعي دلوقتي أن كل بني آدم يعمل اللي هو شايفه صح زي ما الدولة عملت وخدت الإجراءات عشان تحافظ علينا كل واحد يعمل اللي شايفه صح اللي يحافظ على سلامته". واكدت مها أنها لا تريد أشياء كثيرة سوي أن الشخص التي تريد أن ترتبط به أن يكون جادا ويريد الزواج ومحترم، حيث قالت إنها "كانت ممكن تعمل زي البنات اللي على التيك توك اللي هي بتلبس لبس غير محترم وبتعمل حركات غير محترمة بس أنا أعلى من كدا عشان كدة عارضة نفسي للجواز على الفيس بوك واللي شايف نفسه جاد يبعتلي أنا مش هتكلم عن نفسي كتير ومش هقول تفاصيل بس اللي مهتم يعرف تفاصيل هيعرف يوصلي إزاي".