في سؤال كان محير العلماء ، هيا المياه اللي على الكره الارضية دي مصدرها ايه؟ ‬ ايه دخل حجر رشيد بالمياه على الارض بالفضاء ؟ ‪في الاول زي كل مره، عايزين نسترجع مع بعض, معلومات سمعناها قبل كدا.. كلها مهمه و مفيده جدا ‬ ‪انا احمد فريد من عمليات الفضاء بوكالة الفضاء الالمانية . أحب اوضح مكانة تاريخ مصر العظيمه في عقول علماء العالم‬ ‪ معلومة عامه , حجر رشيد الاصلي موجود حاليا في لندن . اكتشف على يد عسكري فرنساوي أسمو بيير فرانسيس بوشارد سنة 1977 خلال الاحتلال الفرنسي علي مصر . مكتشف حجر رشيد مش شامبليون . يينز فرانسيس شامبليون هوّا اعلن ترجمة الكتابة اللي على حجر رشيد سنة 1922. حجر رشيد نفسه اتعمل سنة 196 قبل الميلاد يعني اكتر من 2000 سنة ‬ ‪إيه‬ هيا اهمية حجر رشيد؟ المقال ده مش عن حجر رشيد لكن هتعرفو قدام ليه أنا بتكلم عنو‪.‬ زي ما انتو عارفين، حجر رشيد مكتوب علية ثلاث لغاة ، اللغة الهيروغليفية و الديموطيقي و الاغريقية و دا كان اول الطريق لفهم الكتابات المصرية القديمة. و فهم الكتابات المصرية القديمة معناه فهم علوم و اكتشافات قدماء المصريين. يعني حجر رشيد هوّا النافذة الوحيدة علي تاريخ قدماء المصريين. قبل كدا كانت مجرد رسوم على جدران المعابد . وكالة الفضاء الاوروبية و وكالة ناسا الامريكية اتحدو مع بعض في صنع مركبة فضائية للوصول الي ‪“‬مذنب‪”‬ في الفضاء على بعد عشر سنين من الارض . أيوه ، هوا ده المقال‪,‬ عن اسم المركبة الفضائية . المهمة اسمها على اسم حجر شيد. يعني اسم مركبة الفضاء هوّا حجر رشيد Rosetta. ليه اسم المهمة حجر رشيد و هيا مش مهمه مصرية او حتى ملهاش علاقه بمصر أصلًا . لأن اول مره في تاريخ البشرية ان مركبة فضاء تهبط على ‪“‬مذنب‪”‬. يعني علم العلماء عن المذنب هوّا محدود جدا و المركبة الفضائية "حجر رشيد" هيا النافذة على علم جديد . بالظبت زي حجر رشيد الاصلي هوّا نافذة على علوم قدماء المصريين. سؤال العلماء ، ايه هوّا مصدر المياه اللي على الكرة الارضية؟ دا اساس المهمة الفضائية حجر رشيد ‪(Rosetta)‬. لأن النظريات العلمية قبل الهمة دي هيا ان المياه على الكرة الارضية سببها اصتدام المذنبات الى الارض من بلايين السنين في خلال نشأة الكرة الارضية. للاجابة على السؤال ، لازم الوصول الى اقرب مذنب ‪,‬ و اقرب مذنب ممكن الهبوط عليه على بعد عشر سنين من الارض . بعد دراسات كبيرة جدا و حسابات معقدة ، خرجت المركبة الفضائية حجر رشيد من الارض سنة 2004 و وصلت الى المذنب سنة 2014 يعني عشر سنين في الفضاء. كان فيها مركبة واحدة (lander) للهبوط على سطح المذنب. المهبط او المركبة اللي جوا مركبة حجر رشيد اسمها "فيلة" و دي على اسم معبد فيلة اللي في اسوان لانه اول معبد مبني في مصر ‪,‬ و المركبة هتكون اول مركبة تهبط على نيزك . طبعا المسافات في الفضاء و حسابات المدارات هيا عملية معقدة جدا. الوصول للمذنب محتاج قوة دفع عاليا جدا . لذلك مركبة الفضاء حجر رشيد اخدت اكتر من قوة دفع من جاذبية الكواكب. بعد قوة الدفع الاولي مع خروجها من الارض. اخدت قوة دفع من مدار الكرة الارضية سنه 2005 . و بعدين قوة دفع تانيه من كوكب المريخ سنة 2007 و بعدين قوة دفع تاني من مدار الكرة الارضية على بعد 2500 كيلومترا من الارض. و قوة دفع من كويكب ستاين 2008 و ترجع تاني لمدار الارض سنة 2009 لكسب قوة دفع اخيرة للوصول لكويكب لوايتيا سنة 2010 لغاية ماتوصل للمذنب المطلوب الهبوط عليه و هوّا مذنب 67P . أنا شخصيا كنت فخور جدا إن اسم المهمة على اسم حجر رشيد و اسم المركبة المهبط هو فيله على اسم أول معبد على أرد مصر في أسوان و هو معبد فيله ‪ و دي من أهم و أعقد العمليات الفضائية في تاريخ الفضاء ‬ وكإن العلماء مؤسسي المهمه يفكرونا قد إيه مصر عظيمه ... نحن نقرأ لنبتعد عن نقطة الجهل ، لا لنصل الى نقطة العلم ‪-‬ عباس محمود العقاد