أكدت صباح خضير مفجرة فضائح أحمد بسام زكي، أن الخطوات التي اتخذتها النيابة المصرية والشرطة والمجلس القومي لحقوق المرأة ضد أحمد بسام زكي خطوات سريعة وفعالة.وقال في تصريحات خاصة لـ"البوابة نيوز " ان الخطوات تسير في حريقه الصحيح، مضيفة "البنات بتحكيلي بعد ما راحوا ودخلوا النيابة قالولي مكناش حاسين ان الموضوع هيكون سهل كده وكنا خايفين وخلال الثلاث أيام الماضية تليفوني مكنش بيبطل رن وكان بيفصل من كتر تليفونات البنات قبل ما يدخلوا النيابة كنت بطمنهم لانهم كانوا خايفين حتى لو جايين مع اهاليهم لانهم كانوا واثقين فيا وكنت بقولهم ان القانون معاكم والنيابة مش بتكرهكم مش هيحاولوا يعملوا حاجة فيكم هما هيداروا كل معلوماتكم الشخصية وهيكونوا في ضهركم والمحامي بتاعنا كان معاهم والمجلس القومي لحقوق المرأة".وتالعت "كان هناك موقف مشرف من النائب العام والنيابة العامة وكانت نظرتهن للفتايات ان محدش هيتهمكم بحاجة حتى لو انتي كبنت عملتي حاجة تخلي الشاب ده يفكر يعمل حاجة معاكي خلاص مادام قولتي لا خلاص يبقي لا ويبقي لو كمل ساعتها يبقي اسمه اغتصاب المفروض مش عقوبة اني غلطت لاننا مش ملايكة، لكن اني اغتصب أو اتهدد ده مش منطقي".وعن موقفها من الفتيات القصر وطريقة تواصلهم مع الشاب، قالت "انا مش مع ان واحدة عندها ١٢ سنة تبعت صورة لشخص زي ده أو غيره عشان قبل ما يكون غلط هي صغيرة جدا فلازم الأهالي تفهم بناتها وتوعيها ولازم نربي الولد زي ما نربي البنت عشان الخطأ بيبدأ من الولد وتقع فيه البنت وفي النهاية الغلط بيحصل وبيتبعه كوارث ".