أعربت الفنانة هاجر الشرنوبي عن اشتياقها الشديد لوالدها الراحل، وطالبت مُحبيها بقراءة الفاتحة والدعاء له، وذلك من خلال حسابها الشخصي على موقع الصور والفيديوهات "إنستجرام". نشرت هاجر الشرنوبي صورة لوالدها الراحل، وعلقت على الصورة قائلة :"من سنتين بالظبط وقفت بيا الحياة، من ساعة ماحطيت راسك على إيدي وفارقت الحياة، أنا النهاردة عمري سنتين لإني فعلاً إنسانة تانية واحدة تانية خالص من غير روح".وتابعت هاجر الشرنوبي قائلة:"كل حاجه ناقصة مليون حاجه من غيرك يادرش، كان لسه في مشاهد كتير ماعشناهاش، وكأني طفلة صغيرة بتدور عليك، وحشتني أوي، ووحشني سؤالك عليا ياحبيبي، وحشني حضنك أوي أوي وهزارنا وضحكنا وحكمتك وقلبك الأبيض اللي بيحب كل الناس واكلك وحشني اكلك اوي".وأضافت هاجر الشرنوبي قائلة:"مش قادره استوعب إنك خلاص كده مش موجود سيبتني بدري أوي وبجد محتجالك جدًا، بس انت عايش جوايا روحك حواليا ف كل مكان وبقيت بتحول تدريجيًا لصورة منك، ياللي مافيش منك، بحاول اقلدك".واختتمت هاجر كلامها بالدعاء لوالدها قائلة:" أبي حبيبي يا صاحب الوجه البشوش والذكر الطيب يارب منزلك بأعلى جنات الفردوس ، وروحك مسرورة ، يارب إسقيه من أنهار الجنة وارزقه مجاورة النبيين والصالحين ، يارب نلتقي بروحك الطيبه بالجنة، من فضلكم الفاتحة والدعاء لأبويا الله يرحمه".وفي سياق آخر، شاركت هاجر الشرنوبي في السباق الرمضاني الماضي، من خلال مسلسل "جمع سالم"، وهو من ﺇﺧﺮاﺝ إيمان الحداد، ﺗﺄﻟﻴﻒ محمد ناير، بطولة زينة، دلال عبدالعزيز، محمد علاء، ملك قورة، أحمد سلطان، سلوى خطاب، ومجموعة مميزة من النجوم. وفي سياق آخر، تشارك هاجر الشرنوبي حاليًا في مسلسل "هجمة مرتدة"، وهو من تأليف باهر دويدار،ﺇﺧﺮاﺝ أحمد علاء الديب، بطولة أحمد عز، نور محمود، هند صبري، هشام سليم، صلاح عبدالله، ماجدة زكي.