كشفت الفنانة سوسن بدر سر إطلالتها مؤخرًا بلوك الشعر الابيض  المقترن  بأناقة  جذبت الجمهور لها قائلة " ده جزء من الي  انا  بتكلم عليه القناعه  بمرحلتي العمرية الحالية وفي نفس الوقت أهتم بنفسي وابقى  انيقة". وأرجعت بدر، الفضل في اختيار النيولوك الجديد، في حوار ها عبر تطبيق " زووم "  عبر  برنامج " القاهرة الان " المذاع على فضائية العربية الحدث، الذي تقدمه الاعلامية لميس الحديدي، إلى فريق عملها، قائلة " الفضل في ده يرجع للكرو بتاعي كله  بالاضافة لبنتي وحفيدتي.. مش لازم لما نكبر نتبهدل ممكن يبقى شعري أبيض سواء كنا رجالة او ستات  ممكن نهتم بنفسنا حتى لو شبنا  مانخدش بالنا من نفسنا ليه ؟   ". ووجهت رسالة  للسيدات، قائلة :"ماتخافوش من الكبر والسن الكبير كل مابنكبر بنبقى قمر أكتر ... التقدم في السن مش حاجة وحشة كل مانكبر  بنبقى احلى لانه بيعكس النضج والوعي وحالة من الروقان بعيد عن الهموم بعد ماحققنا الي عايزينه  .. دي حاجة متخوفش على فكرة دي حالة في منتهى الجمال " .