بعد رحيل جدتها بساعات قليلة، قررت المذيعة فرح على نعيها بكلمات مؤثرة، حيث نشرت عدة صور تجمعها بها من حفل زفافها الذي أقيم منذ عامين، وذلك من خلال حسابها الرسمي على "إنستجرام".وكتبت فرح على الصور قائلة: "رحلت من كانت لحياتى حياة، كنتى الفرحة والبهجة والحنية والطيبة، العالم كله بيحبك علشان كنتى بتحبى الناس كلها، روحك الحلوة وقلبك الطيب مهما اتكلمت أو كتبت مش هيكفى ولا يوفى، طول عمر الناس بتشبهنى بيكى إنى شبهك في شكلك وروحك أنا فعلا حتة منك، بحاول أصبر قلبى علشان بس إنتى أكيد في مكان أجمل دلوقتى شبه روحك وقلبك، في الجنة ونعيمها يا رب، يا رب يصبرنى على فراقك، دعواتكم لدلال محمود حلمى.. إنا لله وإنا إليه راجعون".