مدري أنا وين؟؟ ‏بعض البشر لوغاب عامٍ عن العين مايأثّر غــيابـه ولا نص دقــيقـة وإنت يانبض القلب لو غبت يومـين أحــس كأن شبّت بقلبي حريقة يالائمي جرّب بيــوم لوعة البــيـن وبعدين جاوبني بكل الحقيــقة لو كنت عاشق مثلي بتحس الحين معنى الحزن فالقلب ْعالي شهيقه الي سكن روحي مو بس هو الزين حكيه وأسلوبه وروحه رقيقة خليته يسكن خافقي حول شهرين وسلمته مفتاحه وعطاني وثـيـقــة يجدد الإيجار ويزيـــد سنتـــيــن عجبني العرض وقلت سوي حديقة وازرعها حب وعشق وأشواق وحنين لأجل الغرام تبقى جذوره عميقة يالبى قلبه خذا مني شــيـئـــن عقلي وإحساسي وعطاني رحيقه الحين أنا مدري عايش مع مين في بيتي ولا وسط ذيــك الحديــقة الاستاذة / توحة الرحبان أكاديمية صبا الثقافية