نشرت الفنانة نبيلة عبيد صورة لها من كواليس الفيلم الشهير، الراقصة والسياسي، الذى عُرض عام  1990. وظهرت «عبيد» في الصورة في أحد المشاهد، مع الفنان صلاح قابيل، الذى شاركها بطولة الفيلم، وكتبت تفاصيل الحوار الذى جمعهما من خلال تعليقها على الصورة، والذى جاء كالتالي: – انتى عايزة إيه بالظبط ؟ = الموافقة على دار للأيتام. – مقدرش أعملك حاجة… مقدرش أتوسّط لرقاصة. = إيه الحكاية رقاصة رقاصة ! ما احنا الاتنين زى بعض يا عبدالحميد. – إنتى قليلة الأدب. = وإنت كداب.. عشان بتكدب على نفسك قبل ما تكدب على الناس.. كل واحد فينا بيرقص بطريقته «أنا بهز وسطى وإنت بتلعّب لسانك وتخطب». – الفرق شاسع يا عالمه يا … = أنا أقولك الفرق… إحنا الإتنين بنطلع فى التليفزيون… أنا الناس بتتفرج عليا، وانت أول لما بتطلع الناس بتقفل التليفزيون.. «عشان إنت رقصك ملوش جمهور.. إنما أنا رقصى ليه جمهور».. عارف ليه؟ – لإن بضاعتك رخيصة.. هدفك تشعللى الغرايز المكبوته عند الناس.. إنتى شغلك الإثارة. = اسم الله على مقامك الرفيع.. وإنت شغلك يبقي إيه لما توعد الناس بمستقبل مشرق، ويجى بكرة ميطلعلوش شمس. يذكر أن فيلم «الراقصة والسياسي»، من بطولة نبيلة عبيد، صلاح قابيل وفاروق فلوكس، تم إنتاجه عام 1990، عن قصة الكاتب الكبير إحسان عبد القدوس، ومن إخراج سمير سيف.