قال الدكتور عبد الرحيم على، عضو مجلس النواب، ورئيس مجلسي إدارة وتحرير "البوابة نيوز": "إن مشكلة جمع البطاقات الشخصية خلال انتخابات مجلس النواب مجهزين لها مفاجأة حلوة في الوقت المناسب هنرد على من يقوموا بهذا الفعل بطريقة هتحزنهم على لم البطاقات في التوقيت المناسب، وهلقنهم درس".وأضاف " على " في كلمته خلال زيارته لعائلات بدوي دسوقي، في محافظة الجيزة، اليوم الاثنين: "اي حد من الإسكندرية لأسوان هيلم بطاقات شخصية في الوقت المناسب هنرد عليه وبالطريقة المناسبة"، متابعًا: "خلي حد منهم دكر يقول أحنا حزب السيسي الرجل يطلع فيهم يقول كده أو يعمل بيان في ورقة وأنا ادخله السجن الصبح عشان عارفين هما ايه".وتابع: "مش عايزين نتهز لأن الدولة بتاعتنا كلنا ومصر بنينها كلنا، وكلنا خرجنا في 30 يونيو ووقفنا في الشوارع"، موضحًا: "في جزء مخرجش وفي جزء ايد الإخوان وكان معاهم وهنعرضهم عليكم بالصوت والصورة مين كان معاهم ومين ضدهم ومين كان عايز يبيع البلد في وقت من الأوقات، كلهم على رادارنا".وأكد: "في ناس كان فيهم وطنيه شوفتها بعيني زي اللي ماتوا من أبطال الشرطة والجيش واحنا عايزين حد على مستوى هذا الدم عشان نعيش بكرامة وبلد محترمة"، موجهًا رسالة للمصريين: "منتظرين نشوف تحرك حقيقي بعد كده الحكم بينا وبينهم رئيس الدولة والذي لا يرضيه أن حد يشتري دم الشهداء والبسطاء بـ 100 جنيه".وأردف: "الشهداء دمهم مش للبيع وماتوا عشان نعمل دولة ديمقراطية حديثة تحت قيادة السيسي ومش هنسمح ومتاكد 100 % ان الناس مش هيمسحوا أبدا".