بعض. الناس ما أحدٍ يسمع النجوى... ولا أحد يصدق الإعجاب. حتى لوتقول أهوى... ومهما قلت قلبي ذاب. احنا في زمن ادفع... وكل الناس لك احباب. اما الحب والأشواق... ضاعت وابردت لعصاب. بعض الناس يتعلم... يحقق له اماني صعاب. ولا يأخذ الموضوع... الا ميزة الاجناب. يتكبر ويتغير... ولا كأن له ابدأصحاب. وغطت نسبة الأرقام... على الأعراف والانسحاب. وبعض الناس لوأنك... عنده أقرب الاقراب. وتخطب من بناته قال... ما نستقبل الخطاب. ويلبس بشته المطوي.. وسرعة عن عيونك غاب. لأن البنت دكتورة... براتبها مسوي حساب. وانته مامعك فيلا... وعايش عيشة العزاب فقيرالحال ماتصلح... عريس لبنت هالنصاب. ولامن جاه مليونير... كبير السن راسه شاب. وعنده قبلها ثنتين... وواحد من عياله شاب. يزوجها ولايسأل... ولا يحسب لها أي حساب. يربيها ويعلمها... ويعطيها لناس أغراب. ولا فكر بمن حوله... عياله والبنات غضاب. إذا بنته ظلمها اليوم... أجل كم غيرها مرتاب. كَم مظلوم يدعي عليه... دعوة ماعليها حجاب. نسي في يوم وقفتنا... أمام اللي أشد عقاب. ويطلع كل ماسواه... أمامه حافظه بكتاب. ولا ينفع بساعتها... لامالٍَ ولاأصحاب. الا صالح الأعمال... وهذا عن جنابه غاب. الاياحظ من حافظ... على دينه وصلى وتاب. وفكر بآخر أيامه... وهويحمل على الارقاب. ويوضع في وسط حفرة... صغيرة والفراش تراب. مثل ما ربنا سواه... من طين أَسمه اللاب. وانا عندي كلام أكثر... ولكن مانريد عتاب. ويعذرني إذا أخطيت... أهل الفكر والألباب. وصلوا عالرسول اللي... بعثه الله بخير كتاب. ______________________ الشاعر/ محمد صالح الحارثي.