كل شيّن في حياتك له حدود البحر لاجاك ثاير ماتردّه كم غريقٍ راح عُمْره مايعود حالة احوال الزمن جزْره ومدّه والليالي تختلف بيضٍ وسود صاحبك لابيّح امكنون سدّه لاتوّريه التجافي والصدود والحبيب اليا صفالك لاتحدّه يبتلش بالشوك من عقب الورود حط بالك والنظر للعين لدّه في عيونٍ تكْسر اعيون الحسود كل ماحطيت راسك بالمخدّه لايشيل القلب ماشال الحقود خل حلم الليل مرسال الموّده لاتذكرت المواصل والوعود والحساب اللي مضالك لاتعدّه الله اللي بدّل النقصان زود لاتعاهدني بعهدٍ ماانت قدّه مايعيش ابخير خوّان العهود شد حيلك كان فيك اليوم شدّه لايموت الشوق بااعْصاب البرود قالوا اهل العِرْف للفرسان ردّه والشجاع ابرك واخير امن الشرود عبدالله مبارك الردعان