أثار  مسلسل " ما وراء الطبيعة" ضجة كبيرة على مواقع التواصل الاجتماعى بعد اعلان عرضه غدا الخميس 5 نوفمبر على نتفليكس الرائدة عالميًّا في مجال تقديم خدمة البث الترفيهي.و وجه المخرج عمرو سلامة نصائح الى رواد السوشيال ميديا المهتمين بمشاهدة المسلسل عبر حسابه الرسمى على موقع التواصل الاجتماعى "فيسبوك".قائلا :" مسلسل ما وراء الطبيعة سيكون متاح على نتفليكس بعد ساعات، الخميس ٥ نوفمبر العاشرة صباحا بتوقيت القاهرة الحبيبة.تمنياتنا جميعا كصناع للعمل لتجربة المشاهدة:المسلسل يتشاف بشكل شرعي وبالجودة الأفضل وعلى إنترنت سريع يعني من استطاع إليه سبيلا.ياريت يتشاف على شاشة كبيرة مش على هاتف محمول أو تابلت. تشوفه في غرفة مظلمة ومعلي الصوت، الصوت عامل مهم جدا ومؤثر في تجربة المشاهدة.ياريت بلاش أكل بقى وحوارات جانبية ورغي نركز علشان في ناس غلابة تعبوا في كل لقطة  وإنت بتتفرج إفتح على نتفليكس الترجمة العامية المصرية علشان في مشاهد بلغات ثانية فتقرا الترجمة. لو إنت من محبين السلسلة فتوقع مبكرا إن ده منتج إبداعي مستقل لوسيط ثاني مش مطابق ١٠٠٪؜ لأحداث الروايات اللي أنا شخصيا من أشد المحبين لها من نعومة أظافري. أخيرا، لو إتفرجت وهتشارك برأيك، ياريت بلاش تحرق للي لسة ماتفرجش.