روى عبود حلمي، سائق سيارة نصف نقل، تفاصيل عثوره على شنطة بها مجموعة من المشغولات الذهبية وعملات أجنبية وهواتف، قائلا: أثناء عودتي على طريق العاشر الإقليمي وجدت شنطة على الطريق، معقبا: "اخدت الشنطة وأنا في الطريق فتحتها لقيت فيها لاب توب ومش موجود عليها أي رقم".وتابع "حلمي" خلال مداخلته الهاتفية ببرنامج "الحياة اليوم" المذاع على قناة "الحياة"،: لاقيت على الشنطة اسم حد ومنطقة "منيا القمح"..لما فتحت الشنطة لاقيت فيها 3 هواتف ولاب توب وسلسلة ذهب ومبلغ مالي كبير وأكثر من 13 ساعة".وأكمل: حسيت أن صاحب الشنطة دي في نار..وأن كل اللي في الشنطة دي مش حاجته تواصلت مع شخص في القرية عندي وهو رفع خبر على الصفحة بتاعت "منيا القمح"، معقبا: بعد ما رفعت الخبر لاقيت ناس كتير بتتصل بيا تقول أن الشنطة بتاعتها".وأضاف :"صاحب الشنطة تواصل معايا وقال أوصاف اللي موجود فيها وتاني يوم كان عندي بيستلم الشنطة، صاحب الشنطة كان عايز يديني اللاب توب هدية ولكني رفضت أخذ منه أي حاجة".وأكد على أنه كان بحاجة إلى نقود ولكنه رفض تماما أن يحصل على أي مبلغ مقابل إعادته لهذه الشنطة، معقبا:"كان مكسور عليا قسط العربية".