قالت الفنانة شهيرة إن زوجها الفنان محمود ياسين كان فتى الشاشة الأول مشيرة إلى ان إنتاجه في هذا الوقت وصل إلى ٤٠ فيلم في السنة وسيناريوهات الأفلام كانت تأتي البيت عندنا الأول ومحمود يختار منها. وأضافت شهيرة خلال لقاءها مع الإعلامى عمرو الليثى ببرنامجه واحد من الناس على قناة الحياة قائلة: كنت أقوله يا محمود رشحنى لفيلم انا خريجة معهد تمثيل مش جايه من النادى يعنى، يقولى انا أقول لمنتج خد مراتى في فيلم. و تابعت: لدرجة انى افتكرت انه مش عاوزنى اشتغل كتير علشان البيت والأولاد لكن ده مش حقيقى، لانه لما كان فيلم يعجبنى كان ينتجه ويتحمل عبء الإنتاج ومنهم فيلم ضاع العمر يا ولدى اخدت فيه جائزة الدولة التقديرية.