يفتش الرجل طوال حياته عن متطلباته واحتياجاته وتفتش المرأة عن احتياجات الرجل الذي تشاركه حياتها، فالرجال أقصر طريق إلى قلوبهم ليست المعدة فقط، بل 6 احتياجات الرئيسية، فماهي احتياجات الرجل؟ ست خبيرة تقول "أسماء الفخراني" استشاري العلاقات الأسرية، لـ "صدى البلد":" الراجل كل ما يحتاجه إن الست تكون فاهمة حواره الداخلي، وهو بيحس بايه". وأضافت:" الراجل بيكون جواه كلام  كتير ولكن بيخرجه بطريقة مختلفة، فهو بيعبر بشكل مقتضب وفي جملة مختصرة من الممكن تكون مش معبرة عن مشاعره الحقيقية وحواره الداخلي بيبقى محتاج ترجمة، وبالتالي محتاج منك تكون خبيرة تفهمه وتفهم مشاعره طبعًا تكون دارسه شخصيته".التعبير عن مشاعره الإفصاح عن المشاعر يزيل الكثير من الهموم، فتشير "أسماء":"أن الراجل محتاج يعبر عن مشاعره بطريقته أو المراة تساعده على التعبير عنها، لأنه اتربى على أنه يكبت مشاعره عيب عيط عشان هو راجل ممنوع يضعف أو يظهر كده، فبيكون عليه عبء كبير في إنه يكبت المشاعر دي". احتواء وطبطبة  الرجل ما هو إلا طفل ذو عمر طويل، فتوضح"فخراني":" الراجل محتاج احتواء وطبطبة  وأنها تراعى الطفل الداخلي جواه لأنه فعليًا الراجل هو طفل كبير، محتاج لما الست تعوده على نظام حياة متغيرهوش فجاءة،  إلا لو بالاتفاق بينكم".توازن طاقة الأنوثة والذكورة بداخل كل من الرجل والمرأة نسب من الذكورة والأنوثة، هذا ما اوضحته "الفخراني"بقولها:" السيدات بداخلها طاقة أنوثة وذكورة لازم تكون متوازنه، والرجل أيضًا عنده طاقة أنوثة وذكورة لازم تكون متزنة، فأثناء التعامل  على الست إنه تتعامل معاه بطاقة الذكورة كـ ست بتفهمه وسند له، والتعامل بالأنوثة فإنها تضعف وتكون لطيفة قدامه".وأضافت:"على الراجل انه يتعامل بطاقة الذكورة في نقطة المسئولية، وطاقة الأنوثة يتعامل بيها في الحنية والرومانسية والاحتواء مع الست، فالاتنين بيكملوا بعض بطاقاتهم الأنثوية والذكورية، لأن الست طاقة انوثتها عالية أوي غالبًا مش بيفهمها  الراجل".الصراحة من بين متطلبات الرجل من المرأة الصراحة والبوح بكل ما تريد، فتوضح "الفخراني":"الراجل بيكون محتاج إن الست تقول اللي هي عايزاه بطريقة مباشرة، ولما  يسألها عايزة أيه تخيره بين حاجتين أقصى حاجة لأن الراجل بيحب الإجابة المباشرة،  مش بيحب اللف والدوران ولا أسلوب التسول العاطفي من المرأة أنها تستجدي عطفه بأسلوب مش لطيف، كأنك بتشحتي الاهتمام.إهمال باهتمام "اهمليه باهتمام" لخصت "الفخراني" بتلك القاعدة العلاقة بين الرجل والمرأة، فتقول:" امنحيه مساحته الشخصية، اهتمي بيه واهتمي بمتطلباته وكل حاجة وابعدي وبصي من بعيد، وسيبيه يعمل كل  اللي هو عاوزه .".